នាយករដ្ឋមន្ត្រីអូស្ត្រាលី ប្រកាសផែនការទិញកាំភ្លើង ពីទីផ្សារក្នុងប្រទេសមកវិញ ក្រោយហេតុការណ៍ វាយប្រហារនៅ Bondi
បរទេស៖ យោងតាមការចេញផ្សាយរបស់ RT រដ្ឋាភិបាលអូស្ត្រាលី បានប្រកាសពីផែនការ សម្រាប់ការទិញកាំភ្លើងពីទីផ្សារសាធារណៈមកវិញបន្ទាប់ពីការបាញ់ប្រហារ ដ៏ធំកាលពីសប្តាហ៍ មុននៅឆ្នេរ Bondi ក្នុងទីក្រុងស៊ីដនី។
នាយករដ្ឋមន្ត្រី Anthony Albanese បាននិយាយកាលពីថ្ងៃសុក្រថា គ្រោងការណ៍នេះត្រូវបានគេរំពឹងថា នឹងយកអាវុធរាប់សែន ដើមចេញពីចរាចរបច្ចប្បន្ន ដែលមាននៅក្នុងទីផ្សារក្នុងស្រុក។
ការបាញ់ប្រហារនៅឆ្នេរ Bondi បានបណ្តាល ឲ្យមនុស្សយ៉ាងហោចណាស់ ១៥នាក់ស្លាប់ និងជាង២០នាក់រងរបួស។ក្រុមអ្នកវាយប្រហារ ដែលត្រូវបានគេចោទប្រកាន់ថា បានសន្យាភក្តីភាពជាមួយក្រុមភេរវកររដ្ឋអ៊ីស្លាម (IS ដែលពីមុនជា ISIS) បានកំណត់គោលដៅនៃពិធីបុណ្យ Hanukkah ដែលរៀបចំដោយសហគមន៍ជ្វីហ្វក្នុងតំបន់។
ប៉ូលិសបាននិយាយថា ខ្មាន់កាំភ្លើងម្នាក់ ក្នុងចំណោមអ្នកបាញ់ប្រហារមានអាជ្ញាប័ណ្ណអាវុធ និងកាន់កាប់ដោយស្របច្បាប់ នូវកាំភ្លើងចំនួន ៦ ដើម ដែលកាំភ្លើងទាំងអស់ ត្រូវបានដកហូតពីកន្លែងកើតហេតុ។
លោក Albanese បានប្រកាសក្នុង ការធ្វើឱ្យគោល នយោបាយកាំភ្លើង ក្នុងស្រុកជាការផ្តោតសំខាន់ នៃការឆ្លើយតប របស់រដ្ឋាភិបាល ។ កាលពីថ្ងៃចន្ទ ថ្នាក់ដឹកនាំរដ្ឋ និងដែនដីរបស់អូស្ត្រាលី បានយល់ព្រមបន្តអនុវត្តច្បាប់ជាតិឲ្យកាន់តែតឹងរ៉ឹងជាងមុន។
គួរឲ្យដឹងដែរថាវិធានការ ដែលកំពុងពិភាក្សារួមមានការពន្លឿន ការចុះបញ្ជីអាវុធជាតិ ការកំណត់ចំនួនកាំភ្លើង ដែលបុគ្គលអាចមាន ធ្វើឱ្យសញ្ជាតិអូស្ត្រាលី ក្លាយជាតម្រូវការ សម្រាប់អាជ្ញាប័ណ្ណកាំភ្លើង និងការដាក់កម្រិតបន្ថែមទៀត លើប្រភេទអាវុធ ដែលត្រូវបានអនុញ្ញាតជាដើម៕
ប្រែសម្រួល៖ស៊ុនលី
