ចិន ប្រកាសដាក់ទណ្ឌកម្ម លើក្រុមហ៊ុននិងប្រធាន ក្រុមហ៊ុនអ្នកផលិត អាវុធមួយចំនួនរបស់អាមេរិក
បរទេស ៖ យោងតាមការចេញផ្សាយរបស់ RT ចិនបានប្រកាសដាក់ទណ្ឌកម្ម លើក្រុមហ៊ុនផលិតសព្វាវុធរបស់អាមេរិក ចំនួន២០នាក់បន្ថែមទៀត និងនាយកប្រតិបត្តិ១០នាក់ ជាការសងសឹកចំពោះការលក់អាវុធចុងក្រោយ របស់អាមេរិកទៅឲ្យកោះតៃវ៉ាន់។
ក្រសួងការបរទេសចិន បានប្រកាសពីវិធានការនេះកាលពីថ្ងៃសុក្រ ដែលពង្រីកបញ្ជីខ្មៅដែលមានស្រាប់ ដែលផ្តោតលើវិស័យការពារជាតិអាមេរិក។ ទីក្រុងប៉េកាំងបាននិយាយថា ខ្លួនកំពុងឆ្លើយតបទៅនឹងសកម្មភាពដែលបំផ្លាញ អធិបតេយ្យភាពរបស់ខ្លួនលើតៃវ៉ាន់ក្រោមគោលនយោបាយចិនតែមួយ។
កាលពីសប្តាហ៍មុន ប្រធានាធិបតីអាមេរិក លោក Donald Trump បានអនុម័តការលក់អាវុធមានតម្លៃ១១,១ពាន់លានដុល្លារទៅឱ្យកោះតៃវ៉ាន់ ដែលជាកញ្ចប់អាវុធដ៏ធំបំផុតសម្រាប់កោះគ្រប់គ្រងដោយខ្លួនឯង និងលើកទីពីរចាប់តាំងពីលោកបានចូលកាន់តំណែងក្នុងខែមករា។
រដ្ឋាភិបាលក្រុងតៃប៉ិបាននិយាយថាកិច្ចព្រមព្រៀងនេះរួមមានប្រព័ន្ធរ៉ុក្កែត HIMARS ប្រព័ន្ធមីស៊ីល Howitzers មីស៊ីលប្រឆាំងរថក្រោះ Javelin យន្តហោះដ្រូន Altius loitering និងគ្រឿងរឹងផ្សេងទៀត។
ជាការឆ្លើយតបទីក្រុងប៉េកាំងបានថ្កោលទោសការសម្រេចចិត្តនេះ ដោយចោទប្រកាន់សហរដ្ឋអាមេរិកថា បានបញ្ឆេះមនោសញ្ចេតនាគាំទ្រ ឯករាជ្យនៅលើកោះនេះ និងបង្កើនភាពតានតឹងឆ្លងកាត់ច្រកសមុទ្រនៃកោះតៃវ៉ាន់៕
ប្រែសម្រួល៖ស៊ុនលី
