ប្រទេសចំនួន ៥ ចាប់ផ្ដេីមទទួលបន្ទុកជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ
យូអិន៖ ប្រទេសបារ៉ែន កូឡុំប៊ី សាធារណរដ្ឋប្រជាធិបតេយ្យកុងហ្គោ ឡាតវី និងលីបេរីយ៉ា បានចាប់ផ្តើមទទួលបន្ទុកជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ។
អាណត្តិពីរឆ្នាំរបស់ពួកគេបានចាប់ផ្តើមជាផ្លូវការនៅថ្ងៃទី១ ខែមករា ប៉ុន្តែថ្ងៃសុក្រគឺជាថ្ងៃធ្វើការដំបូងរបស់ក្រុមប្រឹក្សាសម្រាប់ឆ្នាំ២០២៦ បន្ទាប់ពីថ្ងៃឈប់សម្រាកបុណ្យណូអែល និងឆ្នាំថ្មី។
ពិធីដំឡើងទង់ជាតិត្រូវបានធ្វើឡើង ដើម្បីសម្គាល់ការចាប់ផ្តើមនៃការទទួលខុសត្រូវរបស់ពួកគេ នេះបេីយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ឯកអគ្គរដ្ឋទូតអង្គការសហប្រជាជាតិកាហ្សាក់ស្ថាន លោក Kairat Umarov ដែលបានធ្វើជាសហម្ចាស់ផ្ទះនៃពិធីនេះ បានអបអរសាទរសមាជិកក្រុមប្រឹក្សាថ្មីទាំងប្រាំរូប និងបានជូនពរពួកគេឱ្យមាន “ការតស៊ូ ឯកភាពនៃគោលបំណង និងភាពជោគជ័យ” ក្នុងអាណត្តិរបស់ពួកគេ។
លោកបានលេីកឡេីងថា “យើងសង្ឃឹមថាអ្នកនឹងធ្វើការរួមចំណែកដ៏មានអត្ថន័យក្នុងរយៈពេលពីរឆ្នាំខាងមុខ ដើម្បីដោះស្រាយបញ្ហាប្រឈមសកលដ៏សំខាន់ និងពង្រឹងអាណត្តិរបស់ក្រុមប្រឹក្សាក្នុងការលើកកម្ពស់សន្តិភាព និងសន្តិសុខ”៕
ប្រែសម្រួល ឈូក បូរ៉ា
