លោក ត្រាំ កំពុងថ្លឹងថ្លែងជម្រើសនានា ដើម្បីទទួលបានតំបន់ Greenland រួមទាំងការប្រើប្រាស់យោធាអាមេរិក
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ និងក្រុមរបស់លោកកំពុងថ្លឹងថ្លែង «ជម្រើសជាច្រើន» ដើម្បីទទួលបានតំបន់ Greenland របស់ប្រទេសដាណឺម៉ាក រួមទាំង «ការប្រើប្រាស់យោធាអាមេរិក» នេះបេីតាមអ្នកនាំពាក្យសេតវិមាន លោកស្រី Karoline Leavitt។
លោកស្រី Leavitt បានប្រាប់ស៊ីនហួនៅក្នុងសេចក្តីថ្លែងការណ៍តាមអ៊ីមែលមួយថា «ប្រធានាធិបតី និងក្រុមរបស់លោក កំពុងពិភាក្សាអំពីជម្រើសជាច្រើន ដើម្បីបន្តគោលដៅគោលនយោបាយការបរទេសដ៏សំខាន់នេះ ហើយជាការពិតណាស់ ការប្រើប្រាស់យោធាអាមេរិកតែងតែជាជម្រើសមួយដែលអាចគ្រប់គ្រងបាន»។
លោកស្រីបានលេីកឡេីងថា «ប្រធានាធិបតី ត្រាំបានបញ្ជាក់យ៉ាងច្បាស់ថា ការទទួលបានតំបន់ Greenland គឺជាអាទិភាពសន្តិសុខជាតិរបស់សហរដ្ឋអាមេរិក ហើយវាមានសារៈសំខាន់ណាស់ក្នុងការទប់ស្កាត់សត្រូវរបស់យើងនៅក្នុងតំបន់អាកទិក»។
លោក Stephen Miller អនុប្រធានសេតវិមាន បានឧ្យដឹងថា គ្មានអ្នកណាម្នាក់នឹងប្រយុទ្ធនឹងសហរដ្ឋអាមេរិកនោះទេ ប្រសិនបើសហរដ្ឋអាមេរិកព្យាយាមដណ្តើមយក Greenland ដែលជាទឹកដីស្វយ័តរបស់ប្រទេសដាណឺម៉ាក។
លោក Miller បានឧ្យដឹងនៅក្នុងបទសម្ភាសន៍មួយជាមួយ CNN ថា វាគឺជាជំហរផ្លូវការរបស់រដ្ឋាភិបាលសហរដ្ឋអាមេរិកដែលតំបន់ Greenland គួរតែក្លាយជាផ្នែកមួយរបស់សហរដ្ឋអាមេរិក»៕
ប្រែសម្រួល ឈូក បូរ៉ា
