វេណេស៊ុយអេឡា សម្រេចចិត្ដចាប់ផ្តើមដំណើរការការទូត «ស្វែងយល់» ជាមួយសហរដ្ឋអាមេរិក
By
Posted on
ការ៉ាកាស៖ លោក Yvan Gil រដ្ឋមន្ត្រីការបរទេសវេណេស៊ុយអេឡា បានឧ្យដឹងនៅក្នុងសេចក្តីថ្លែងការណ៍ផ្លូវការមួយថា ប្រទេសវេណេស៊ុយអេឡា បានសម្រេចចិត្តចាប់ផ្តើមដំណើរការការទូត «ស្វែងយល់» ជាមួយរដ្ឋាភិបាលអាមេរិក។
នៅក្នុងសេចក្តីថ្លែងការណ៍ដែលបានបង្ហោះនៅលើគណនីប្រព័ន្ធផ្សព្វផ្សាយសង្គមរបស់លោក លោក Gil បានឧ្យដឹងថា កិច្ចពិភាក្សានេះមានបំណង «ដោះស្រាយផលវិបាកដែលកើតចេញពីការឈ្លានពាន» និងការចាប់ខ្លួនប្រធានាធិបតីវេណេស៊ុយអេឡា លោក នីកូឡាស ម៉ាឌូរ៉ូ និងភរិយារបស់លោកដោយសហរដ្ឋអាមេរិក។
ក្រសួងការបរទេសវេណេស៊ុយអេឡា បានឧ្យដឹងថា កិច្ចសន្ទនាស្វែងយល់ក៏នឹងគ្របដណ្តប់លើ «របៀបវារៈការងារលើបញ្ហាដែលមានផលប្រយោជន៍ទៅវិញទៅមក»។
ក្រសួងការបរទេសបានបន្ថែមថា នៅក្នុងបរិបទនេះ គណៈប្រតិភូមន្ត្រីក្រសួងការបរទេសសហរដ្ឋអាមេរិក កំពុងស្ថិតនៅប្រទេសវេណេស៊ុយអេឡា៕
ប្រែសម្រួល ឈូក បូរ៉ា
