អ៊ីស្រាអែល ប្រកាសដាក់កម្លាំងយោធា ក្នុងកម្រិតអាសន្នខ្ពស់ ក្នុងគ្រាកំពុងកើនឡើង កំដៅជាមួយនឹងអ៊ីរ៉ង់
បរទេស ៖ យោងតាមទីភ្នាក់ងារចិនស៊ិនហួ ចេញផ្សាយនៅថ្ងៃនេះ បានឲ្យដឹងថាកាលពីថ្ងៃអង្គារម្សិលមិញ អ៊ីស្រាអែល បានកែសម្រួលការដាក់ពង្រាយ ការពារដែន អាកាសរបស់ខ្លួន និងបង្កើនកម្រិតប្រកាសអាសន្នរបស់ខ្លួន ខណៈដែលខ្លួនបង្កើន ការត្រៀមលក្ខណៈសម្រាប់ការកើនឡើង ដែលអាចកើតមានជាមួយអ៊ីរ៉ង់។
ការិយាល័យរបស់នាយករដ្ឋមន្ត្រី Benjamin Netanyahu បាននិយាយថា គណៈរដ្ឋមន្ត្រីសន្តិសុខនយោបាយ បានកោះប្រជុំសម្រាប់កិច្ចប្រជុំ ដែលបានគ្រោងទុកពីមុន ដើម្បីពិភាក្សាអំពីការអភិវឌ្ឍន៍ ទាក់ទងនឹងប្រទេសអ៊ីរ៉ង់។
វិទ្យុកងទ័ពរបស់អ៊ីស្រាអែល បានរាយការណ៍ថា កងកម្លាំងការពារ អ៊ីស្រាអែល ហៅកាត់ថាIDF បានបង្កើនការត្រៀម ខ្លួនសម្រាប់ជួរ នៃសេណារីយ៉ូការ កើនឡើងសក្តានុពលដែលពាក់ព័ន្ធនឹងប្រទេសអ៊ីរ៉ង់ និងបានដាក់ទម្រង់យោធា ជាច្រើននៅលើការ ប្រុងប្រយ័ត្នខ្ពស់។
ទូរទស្សន៍ឯកជន Kan ក៏បាននិយាយដែរថាការផ្លាស់ប្តូរ ត្រូវបានធ្វើឡើង ចំពោះប្រព័ន្ធការពារដែន អាកាសរបស់អ៊ីស្រាអែល ក្នុងរយៈពេល២៤ ម៉ោងចុងក្រោយនេះ រួមទាំងការដាក់ពង្រាយប្រព័ន្ធស្ទាក់ចាប់ Iron Dome ផងដែរ។
ដោយលើកឡើងពីមន្ត្រី អ្នកផ្សាយបាននិយាយថា អ៊ីស្រាអែលវាយតម្លៃថា អ៊ីរ៉ង់ទំនងជាមិនវាយប្រហារ អ៊ីស្រាអែលទេ លុះត្រាតែសហរដ្ឋអាមេរិកធ្វើការ វាយប្រហារទ្រង់ទ្រាយធំ លើទឹកដីអ៊ីរ៉ង់៕
ប្រែសម្រួល៖ស៊ុនលី
