សហរដ្ឋអាមេរិក ចាប់ផ្តើមបន្ថែមទណ្ឌកម្ម ទៅលើអ៊ីរ៉ង់សាជាថ្មី
បរទេស ៖ យោងតាមការចេញផ្សាយ របស់ RT ក្រសួងរតនាគារ សហរដ្ឋអាមេរិក បានប្រកាសដាក់ ទណ្ឌកម្មមន្ត្រីសន្តិសុខ អ៊ីរ៉ង់ ចំនួន៥រូបដែលខ្លួននិយាយថា បានជាប់ពាក់ព័ន្ធនៅក្នុង អំពើហិង្សា និងការគាបសង្កត់ យ៉ាងឃោរឃៅ ប្រឆាំងនឹងពលរដ្ឋរបស់ពួកគេ។
ចំណាត់ការនេះកើតឡើង នៅពេលដែលប្រធានាធិបតី អាមេរិក Donald Trump ហាក់ដូចជាកំពុងទំលាក់ ចុះពីការគំរាមកំហែង នៃសកម្មភាពយោធា ប្រឆាំងនឹងអ៊ីរ៉ង់។
ទណ្ឌកម្មនេះ ដែលសំដៅទៅលើលោក Ali Larijani លេខាក្រុមប្រឹក្សាសន្តិសុខជាតិ ជាន់ខ្ពស់អ៊ីរ៉ង់ និងកងឆ្មាំបដិវត្តន៍អ៊ីស្លាម (IRGC) ជាច្រើននាក់ និង មេបញ្ជាការអនុវត្តច្បាប់មួយចំនួនផង ។
រតនាគារក៏បានដាក់ ទណ្ឌកម្មបុគ្គល និង អង្គភាពចំនួន១៨ ផ្សេងទៀត ដែលត្រូវបានចោទប្រកាន់ថា បានជួយអ៊ីរ៉ង់ ឱ្យគេចពីទណ្ឌកម្មប្រេង ខណៈដែលក្រសួងការបរទេស សហរដ្ឋអាមេរិកដាក់ទណ្ឌកម្មទៅលើពន្ធនាគារ Fardis របស់អ៊ីរ៉ង់។
គួរឲ្យដឹងដែរថាប៉ុន្មានសប្តាហ៍នេះអ៊ីរ៉ង់ ត្រូវបានគ្រប់គ្រង ដោយកុប្បកម្មពោល គឺចាប់តាំងពីចុងខែធ្នូ ដែលបង្កឡើងដោយបញ្ហាអតិផរណាដ៏អាក្រក់ និងការធ្លាក់ចុះយ៉ាងខ្លាំងចំពោះតម្លៃប្រាក់រៀលរបស់អ៊ីរ៉ង់៕
ប្រែសម្រួល៖ស៊ុនលី
