ហុងគ្រី ទទួលយកការអញ្ជើញឱ្យចូលរួមក្រុមប្រឹក្សាសន្តិភាព សម្រាប់តំបន់ហ្គាហ្សា ដែលដឹកនាំដោយអាមេរិក
ប៊ុយដាប៉េស៖ នាយករដ្ឋមន្ត្រីហុងគ្រី លោក Viktor Orban បានឲ្យដឹងថា លោកបានទទួលយកការអញ្ជើញពីប្រធានាធិបតីអាមេរិក លោក ដូណាល់ ត្រាំ ដើម្បីចូលរួមក្នុងការងាររបស់ “ក្រុមប្រឹក្សាសន្តិភាព សម្រាប់តំបន់ហ្គាហ្សា” ក្នុងនាមជាសមាជិកស្ថាបនិក។
នៅក្នុងការបង្ហោះមួយនៅលើហ្វេសប៊ុក លោក Orban បានឲ្យដឹងថា ការអញ្ជើញនេះត្រូវបានផ្តល់ជូន ដើម្បីទទួលស្គាល់ “កិច្ចខិតខំប្រឹងប្រែងរបស់ហុងគ្រី ដើម្បីសន្តិភាព” ហើយបានបញ្ជាក់ថា ហុងគ្រី បានទទួលយកអ្វីដែលលោកបានពិពណ៌នាថាជា “ការអញ្ជើញដ៏មានកិត្តិយស”។ លោកក៏បានចែករំលែកលិខិតអញ្ជើញចុះថ្ងៃទី១៦ ខែមករា ពីសេតវិមាន ដែលក្នុងនោះលោក ត្រាំ បានអញ្ជើញហុងគ្រីជាផ្លូវការឱ្យចូលរួមក្នុងក្រុមប្រឹក្សាភិបាល។
យោងតាមរបាយការណ៍មុនៗ ក្រុមប្រឹក្សាសន្តិភាពសម្រាប់តំបន់ហ្គាហ្សាគឺជាផ្នែកមួយនៃគំនិតផ្តួចផ្តើមដ៏ទូលំទូលាយមួយ ដែលដឹកនាំដោយសហរដ្ឋអាមេរិក ដែលផ្តោតលើការដកទ័ពចេញពីក្រុមហាម៉ាស ការបង្កើតអភិបាលកិច្ចបច្ចេកវិទ្យា និងការកសាងឡើងវិញក្រោយជម្លោះនៅក្នុងតំបន់ហ្គាហ្សា។
សេតវិមាននៅថ្ងៃសុក្របានប្រកាសឈ្មោះសមាជិកក្រុមប្រឹក្សាភិបាល ដោយលោក ត្រាំ ធ្វើជាប្រធាន។ យោងតាមសេតវិមាន សមាជិកក្រុមប្រឹក្សាភិបាលផ្សេងទៀតរួមមាន រដ្ឋមន្ត្រីការបរទេសអាមេរិក លោក Marco Rubio បេសកជនពិសេសរបស់លោក ត្រាំ លោក Steve Witkoff កូនប្រសាររបស់លោក ត្រាំ លោក Jared Kushner និងអតីតនាយករដ្ឋមន្ត្រីអង់គ្លេស លោក Tony Blair៕
ប្រែសម្រួល ឈូក បូរ៉ា
