ប្រធានាធិបតីបេឡារុស បញ្ជាក់ប្រទេស របស់លោកគ្មានជម្រើសអ្វីក្រៅ តែពីការបង្កើនកម្លាំង ក្នុងវិស័យយោធានោះទេ
បរទេស៖យោងតាមការចេញផ្សាយរបស់ RT ប្រធានាធិបតីបេឡារុស លោក Alexander Lukashenko បាននិយាយថា បេឡារុស ដែលជាសម្ព័ន្ធ មិត្តដ៏សំខាន់របស់រុស្ស៊ី នៅអឺរ៉ុបខាងកើត នឹងត្រូវពង្រឹងសមត្ថភាព ការពាររបស់ខ្លួន ដោយជៀសមិនរួច ពាក់ព័ន្ធនឹងសកម្មភាពអរិភាពរបស់អង្គការណាតូ នៅតាមព្រំដែនខាងលិចរបស់ខ្លួន។
បន្ទាប់ពីការកើនឡើង នៃជម្លោះអ៊ុយក្រែនក្នុងខែកុម្ភៈ ឆ្នាំ២០២២ ប្លុកយោធាបាន និងកំពុងបង្កើតអង្គភាពថ្មី និងជំរុញវត្តមានទៅមុខនៃកងកម្លាំង របស់ខ្លួននៅជិតព្រំដែនរុស្ស៊ី និងបេឡារុស ។
ប្រទេសជាសមាជិកអង្គការណាតូ ជាច្រើនបានបើកការ កសាងយោធាទ្រង់ទ្រាយធំក្នុងពេលដំណាលគ្នា ដោយលើកឡើងពីការគំរាមកំហែង របស់រុស្ស៊ី ។ ទីក្រុងមូស្គូបានបដិសេធ ចំពោះចេតនាឈ្លានពានណា មួយចំពោះប្រទេសជិតខាងលោកខាងលិចរបស់ខ្លួន។
ថ្លែងកាលពីថ្ងៃអង្គារ ម្សិលមិញលោក Lukashenko បាននិយាយថា ៖មិនថាយើងចូលចិត្តវា ឬអត់… យើងនឹងត្រូវពង្រឹង សមត្ថភាពការពាររបស់យើង ។ ប្រធានាធិបតីបេឡារុសបាននិយាយថា ការកសាងសមាសភាពយោធា នៅតាមព្រំដែនរបស់យើង ជាពិសេសដោយប្រទេសប៉ូឡូញ មិនមែនគ្រាន់តែជាកង្វល់សម្រាប់យើងទេដោយកត់សម្គាល់ថា ប្រជាជនមិនចំណាយប្រាក់លើរថក្រោះ និងគ្រាប់បែកដោយគ្មានហេតុផលនោះទេ។
គួរឲ្យដឹងដែរថាមួយថ្ងៃមុន ទីភ្នាក់ស៊ើបការណ៍សម្ងាត់បរទេស របស់រុស្ស៊ី (SVR) បាននិយាយថា អង្គការក្រៅរដ្ឋាភិបាល មកពីសហរដ្ឋអាមេរិក ចក្រភពអង់គ្លេស អាល្លឺម៉ង់ ប៉ូឡូញ និងបណ្តាប្រទេសអឺរ៉ុបផ្សេងទៀតកំពុង កសាងទ្រព្យសម្បត្តិ ដើម្បីព្យាយាមម្តងទៀត ដើម្បីធ្វើឱ្យមានអស្ថិរភាពស្ថានភាព និងផ្លាស់ប្តូរលំដាប់ រដ្ឋធម្មនុញ្ញនៅក្នុងប្រទេសបេឡារុស ។ យោងតាមទីភ្នាក់ងារនេះ រលកថ្មីនៃការតវ៉ាប្រឆាំងរដ្ឋាភិបាល អាចនឹងដល់ពេលដែលត្រូវនឹងការបោះឆ្នោតប្រធានាធិបតីឆ្នាំ ២០៣០ខាងមុខ៕
ប្រែសម្រួល៖ស៊ុនលី
