លោក ដូណាល់ ត្រាំ ព្រមានថា ការវាយប្រហារ ដោយកម្លាំងពេញ លេញរបស់អាមេរិក នឹងមានអ្នកស្លាប់ និងរបួសកាន់តែច្រើន
វ៉ាស៊ីនតោន៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានឧ្យដឹងថា ប្រតិបត្តិការប្រយុទ្ធរបស់សហរដ្ឋអាមេរិក បន្តនៅពេលនេះដោយកម្លាំងពេញលេញ ដោយព្យាករណ៍ថានឹងមានអ្នកស្លាប់ និងរបួសកាន់តែច្រើននៅប៉ុន្មានថ្ងៃខាងមុខ។
លោក ត្រាំ បាននិយាយនៅក្នុងសារវីដេអូ រយៈពេលប្រាំមួយនាទីនៅលើ Truth Social ដោយមិនបានបញ្ជាក់ថា គោលបំណងជាអ្វីនោះទេ «ប្រតិបត្តិការប្រយុទ្ធ នៅតែបន្តនៅពេលនេះ ដោយកម្លាំងពេញលេញ ហើយពួកគេនឹងបន្ត រហូតដល់គោលបំណង ទាំងអស់របស់យើងត្រូវបានសម្រេច យើងមានគោលបំណងដ៏រឹងមាំណាស់»។
លោកបាននិយាយអំពីលទ្ធភាពនៃការស្លាប់ និងរបួសកាន់តែច្រើន របស់សហរដ្ឋអាមេរិក ដោយអះអាងថានោះហើយជារបៀប ដែលវាមាន។
លោក ត្រាំ បានធ្វើម្តងទៀតនូវការអំពាវនាវរបស់លោកលើសមាជិកនៃកងឆ្មាំបដិវត្តន៍អ៊ីស្លាមអ៊ីរ៉ង់ឱ្យទម្លាក់អាវុធរបស់ពួកគេ ដើម្បីទទួលអភ័យឯកសិទ្ធិពេញលេញ។
រដ្ឋមន្ត្រីការបរទេសអ៊ីរ៉ង់ លោក Seyed Abbas Araghchi បានប្រាប់ ABC News កាលពីថ្ងៃអាទិត្យថា គ្មានមេដឹកនាំប្រទេសណាមួយមានសិទ្ធិប្រាប់អ៊ីរ៉ង់កុំឱ្យឆ្លើយតបទៅនឹងការវាយប្រហារតាមអាកាសដ៏ធំសម្បើមរបស់សហរដ្ឋអាមេរិក-អ៊ីស្រាអែលលើអ៊ីរ៉ង់នោះទេ ដោយលោកបញ្ជាក់ថា ប្រទេសរបស់លោកមាន សិទ្ធិគ្រប់យ៉ាងក្នុងការការពារខ្លួន ហើយកងកម្លាំងអ៊ីរ៉ង់ «មានសមត្ថភាពគ្រប់គ្រាន់ ក្នុងការការពារប្រទេសរបស់យើង»៕
ប្រែសម្រួល ឈូក បូរ៉ា
