លោក ដូណាល់ ត្រាំ អះអាងថា សហរដ្ឋអាមេរិក នឹងអមដំណើរនាវាដឹកប្រេង ឆ្លងកាត់ច្រកសមុទ្រ Hormuz ប្រសិនបើចាំបាច់
ញូវយ៉ក៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានឧ្យដឹងថា កងទ័ពជើងទឹកសហរដ្ឋអាមេរិក នឹងចាប់ផ្តើមអមដំណើរនាវាដឹកប្រេង ឆ្លងកាត់ច្រកសមុទ្រ Hormuz ប្រសិនបើចាំបាច់។
លោក ត្រាំ បានឧ្យដឹងនៅក្នុងការបង្ហោះមួយ នៅលើប្រព័ន្ធផ្សព្វផ្សាយសង្គមថា “ប្រសិនបើចាំបាច់ កងទ័ពជើងទឹកសហរដ្ឋអាមេរិក នឹងចាប់ផ្តើមអមដំណើរនាវាដឹកប្រេងឆ្លងកាត់ច្រកសមុទ្រ Hormuz ឱ្យបានឆាប់តាមដែលអាចធ្វើទៅបាន”។
លោកបានលេីកឡេីងថា លោកបានបញ្ជាឱ្យសាជីវកម្មហិរញ្ញវត្ថុ អភិវឌ្ឍន៍អន្តរជាតិ (DFC) របស់សហរដ្ឋអាមេរិក ផ្តល់អ្វីដែលហៅថា ការធានារ៉ាប់រងហានិភ័យនយោបាយ និងការធានាសម្រាប់ពាណិជ្ជកម្មតាមសមុទ្រ ជាពិសេសថាមពល “ដែលធ្វើដំណើរឆ្លងកាត់ឈូងសមុទ្រ”។
ស្ថិតនៅចន្លោះឈូងសមុទ្រ និងឈូងសមុទ្រអូម៉ង់ ច្រកសមុទ្រ Hormuz បម្រើជាផ្លូវសមុទ្រតែមួយគត់ពីឈូងសមុទ្រទៅកាន់មហាសមុទ្របើកចំហ ដោយពង្រឹងឋានៈរបស់ខ្លួនជាចំណុចកកស្ទះដ៏សំខាន់បំផុតមួយរបស់ពិភពលោក។
ប្រព័ន្ធផ្សព្វផ្សាយអ៊ីរ៉ង់បានរាយការណ៍ថា កងឆ្មាំបដិវត្តន៍អ៊ីស្លាមអ៊ីរ៉ង់បានបិទច្រកសមុទ្រ Hormuz មិនឱ្យដឹកជញ្ជូនទំនិញ ដោយប្រកាសថា ផ្លូវទឹកប្រេង និងឧស្ម័នដ៏សំខាន់នេះមិនមានសុវត្ថិភាព ដោយសារតែការវាយប្រហាររបស់សហរដ្ឋអាមេរិក និងអ៊ីស្រាអែល៕
ប្រែសម្រួល ឈូក បូរ៉ា
