អង់គ្លេសអនុញ្ញាត ឱ្យសហរដ្ឋអាមេរិក ប្រើប្រាស់មូលដ្ឋានទ័ពរបស់ខ្លួន ដើម្បីវាយប្រហារ ទីតាំងអ៊ីរ៉ង់ ដែលកំណត់គោលដៅ ច្រកសមុទ្រ Hormuz
បរទេស៖ អ្នកនាំពាក្យរដ្ឋាភិបាល ចក្រភពអង់គ្លេស បានបញ្ជាក់កាលពីថ្ងៃសុក្រថា ចក្រភពអង់គ្លេសនឹងអនុញ្ញាត ឱ្យសហរដ្ឋអាមេរិកប្រើប្រាស់មូលដ្ឋានយោធា អង់គ្លេសដើម្បីធ្វើការវាយប្រហារប្រឆាំង នឹងទីតាំងមីស៊ីលអ៊ីរ៉ង់ដែលកំពុងត្រូវ បានប្រើដើម្បីកំណត់គោលដៅ នាវានៅក្នុងច្រកសមុទ្រ Hormuz។
យោងតាមសារព័ត៌មាន THE HILL ចេញផ្សាយ នៅថ្ងៃទី២០ ខែមីនា ឆ្នាំ២០២៦ថា ការសម្រេចចិត្តនេះបានកើត ឡើងបន្ទាប់ពីរដ្ឋមន្ត្រីអង់គ្លេសបានជួបប្រជុំគ្នានៅរសៀលថ្ងៃសុក្រ ដើម្បីពិភាក្សាអំពីជម្លោះដែលកំពុងបន្ត រួមទាំងការបិទច្រកសមុទ្រជាបន្តបន្ទាប់របស់អ៊ីរ៉ង់ និងការវាយប្រហារកាន់តែខ្លាំង ឡើងលើនាវា និងកន្លែងផលិតប្រេង និងឧស្ម័ន, នេះបើយោងតាមសេចក្តី ថ្លែងការណ៍របស់វិមាន Downing Street។
អ្នកនាំពាក្យរូបនេះបាននិយាយថា “ពួកគេបានបញ្ជាក់ថា កិច្ចព្រមព្រៀងសម្រាប់សហរដ្ឋអាមេរិក ប្រើប្រាស់មូលដ្ឋាន របស់ចក្រភពអង់គ្លេស ក្នុងការការពារខ្លួនរួមគ្នានៅក្នុងតំបន់នេះ រួមមានប្រតិបត្តិការការពារ របស់សហរដ្ឋអាមេរិកដើម្បីបំផ្លាញទីតាំងមីស៊ីល និងសមត្ថភាពដែលកំពុង ត្រូវបានប្រើដើម្បីវាយប្រហារ នាវានៅក្នុងច្រកសមុទ្រ Hormuz”។
អ្នកនាំពាក្យរូបនេះបានកត់សម្គាល់ថា ចក្រភព អង់គ្លេសកំពុង “ធ្វើការយ៉ាងជិតស្និទ្ធ” ជាមួយដៃគូអន្តរជាតិ ដើម្បីបង្កើតផែនការមួយ ដើម្បីការពារការដឹកជញ្ជូនពាណិជ្ជកម្មពីការវាយប្រហារ “ដោយមិនប្រុងប្រយ័ត្ន” របស់អ៊ីរ៉ង់ ប៉ុន្តែបានបញ្ជាក់ថា ជំហររបស់ប្រទេសនេះលើ សង្គ្រាមនេះមិនមានការផ្លាស់ប្តូរទេ៕
ប្រែប្រួលៈ ណៃ តុលា
