កំពង់ស្ពឺ៖ អ្នកលក់ឥវ៉ាន់ចាបហួយ ធំមួយប្រចាំឃុំក្រាំងដូង ស្រុកភ្នំស្រួច ខេត្តកំពង់ស្ពឺ លោកស្រី ឈៀង ពៅ ត្រូវរង្វាន់៤០លានរៀល ពីស្រាបៀរកម្ពុជា នៅល្ងាចថ្ងៃទី១៥ ខែវិច្ឆិកា កន្លងទៅថ្មីៗនេះ ។
លោកស្រីបញ្ជាក់ថា៖ «ប្តីខ្ញុំតែងតែហូបស្រាបៀរ កម្ពុជាមួយ ឬពីរកំប៉ុងជានិច្ច ក្រោយពេលបាយហើយ។ នៅថ្ងៃទី១៥នោះ គាត់ហូបស្រាបៀរធម្មតា ស្រាប់តែឃើញលេខ៤០ក្នុងក្រវិលកំប៉ុង។ ដំបូងស្មានតែ៤០ម៉ឺនអី ហើយពួកខ្ញុំរវល់លក់ឥវ៉ាន់មិនទាន់ពិនិត្យមើលឱ្យជាក់ច្បាស់។ ដល់ស្អែកឡើងទើបមើលឱ្យច្បាស់ គឺមិនមែន៤០ម៉ឺនទេ គឺ៤០លានរៀល»។
អ្នកកំពង់ស្ពឺរូបនេះបន្តថា៖ «គ្រាន់តែច្បាស់ថាឈ្នះ ៤០លានរៀល ខ្ញុំនឹកចង់ផ្តល់កាដូឱ្យផ្អើលភូមិម្តងថ្ងៃការកូនខ្ញុំ នៅខែមករាឆ្នាំថ្មីនេះ គឺចំណងដៃខ្សែកពេជ្រដល់អនាគតកូនប្រសាស្រីខ្ញុំ។ ខ្ញុំសង្ឃឹមថា កាដូដែលបានមកពីសំណាងរបស់ខ្ញុំនឹងបន្តផ្តល់លាភសំណាងដល់កូនចៅខ្ញុំបន្តទៀត»៕
