សំណាងល្អ! រថយន្តដឹកកុងតឺន័រ បុកគ្នាយ៉ាងពេញទំហឹង នៅលើកំណាត់ផ្លូវជាតិលេខ៤ មិនមានអ្នកណាស្លាប់

ភ្នំពេញ ៖ ករណីគ្រោះថ្នាក់ចរាចរណ៍ រវាងរថយន្តដឹកកុងតឺន័រធុនធំ បានបុកគ្នា ពេញមួយទំហឹង នៅលើផ្លូវជាតិលេខ៤ ចន្លោះគីឡូម៉ែត្រ៨១-៨២ ស្ថិតក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ នៅម៉ោងប្រមាណជា៩និង២នាទីព្រឹកថៃ្ងទី២៧ ខែធ្នូ ឆ្នាំ២០១៩ បានបង្កឲ្យមានការភ្ញាក់ផ្អើលជាខ្លាំង។

ប៉ុន្តែបើតាមសេចក្ដីរាយការណ៍ ពីសមត្ថកិច្ចផ្នែកជំនាញចរាចរណ៍ គ្រោះថ្នាក់នេះពុំបណ្ដាលឲ្យគ្រោះថ្នាក់ ដល់អាយុជីវិតមនុស្សទេ ហើយកងកំលាំង នគរបាលចរាចរណ៍កំពុង តែសម្របសម្រួលចរាចរណ៍ ដល់អ្នកធ្វើដំណើរផងដែរ ៕