ធ្លាយធុងហ្គាស បណ្តាលឲ្យផ្ទុះឆេះស្លាប់កូនម្នាក់ និងឪពុករងរបួសធ្ងន់

ភ្នំពេញ៖ ទីតាំងបញ្ចូលហ្គាសមួយកន្លែង ខណៈកំពុងបញ្ចូល ស្រាប់តែធ្លាយធុងហ្គាស ផ្ទុះឆេះស្លាប់កូនម្នាក់ និងឪពុករងរបួសធ្ងន់ កាលពីវេលាម៉ោង ១១ ថ្ងៃទី៩ ខែមករា ឆ្នាំ២០២០ ស្ថិតនៅក្នុងភូមិស្វាយមីង ឃុំបារគូ ស្រុកកណ្ដាលស្ទឹង ខេត្តកណ្ដាល ។

សមត្ថកិច្ចបានឲ្យដឹងថា ជនរងគ្រោះទាំង២នាក់១-ឈ្មោះ ណែម សុកុល ភេទប្រុស អាយុ ៣៧ឆ្នាំ រងរបួសធ្ងន់ (ត្រុវជាឪពុក) និងម្នាក់ទៀតឈ្មោះ កុល រ៉ាវុធ ភេទប្រុស អាយុ ៤ឆ្នាំ បានស្លាប់ ត្រូវជាកូន ។ ជនរងគ្រោះទាំង២នាក់ រស់នៅភូមិឃុំកើតហេតុខាងលើ ។

ករណីនេះ បណ្តាលឲ្យខូចខាតទ្រព្យសម្បត្តិ រួមមាន៖ ផ្ទះ១ខ្នង ថ្មក្រោម ប្រក់ស័ង្កសី ទំហំ ៤x៥ ,ធុងហ្គាសចំនួន ១១ធុង ៕