កំពង់ចាម : ថ្នាក់ដឹកនាំខេត្តកំពង់ចាម នៅថ្ងៃទី ១២ ខែកុម្ភៈ ឆ្នាំ ២០២០ នេះ បានប្រកាសដាក់ឲ្យដំណើរការ រចនាសម្ព័ន្ធថ្មីនៃរដ្ឋបាលស្រុក ចំនួន ៦ ស្រុក ក្នុងនោះមានស្រុកស្រីសន្ធរ . ព្រៃ ឈរ កំពង់សៀម .ចំការលើ . បាធាយ និង ស្រុកកោះសូទិន ។
ប្រធានក្រុមប្រឹក្សាខេត្តកំពង់ចាម លោក ខ្លូត ផន បានលើកឡើងថា ការ ដាក់ឱ្យដំណើរការចនាសម្ព័ន្ធថ្មី នៃរដ្ឋបាលក្រុង/ស្រុក/ខណ្ឌ នេះជាព្រឹត្តិការណ៍ជាប្រវត្តិសាស្ត្រ នៃការកែទម្រង់ប្រព័ន្ធគ្រប់គ្រង រដ្ឋបាលសាធារណៈ នៅថ្នាក់ក្រោមជាតិ តាមគោលនយោបាយ វិមជ្ឈការ និងវិសហមជ្ឈការ ធានាដល់ការផ្ទេរសិទ្ធិអំណាច ផ្ទេមុខងារ និងធនធាន ទៅឲ្យរដ្ឋបាលថ្នាក់ក្រោមជាតិ ដែលនៅកៀកជិតប្រជាពលរដ្ឋ ក្នុងការ ទទួលខុសត្រូវលើការគ្រប់គ្រង ការចាត់ ចែង និងការប្រើប្រាស់សិទ្ធិអំណាច និងធនធានទាំងនោះ សម្រាប់ការផ្ដល់សេវា និងការអភិវឌ្ឍន៍មូលដ្ឋាន ដើម្បីឆ្លើយតប ទៅនឹងតម្រូវការ របស់ប្រជាពលរដ្ឋប្រកប ដោយប្រសិទ្ធភាព តម្លាភាព គណនេយ្យភាព បរិយាប័ន្ន និងសមធម៌សង្គម។
ជាមួយគ្នានោះដែរ លោក ប្រធាន ក្រុមប្រឹ ក្សាខេត្ត បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែង របស់គណៈអភិបាលស្រុក ដែលបានខិតខំវាយតម្លៃ ផ្គូរផ្គង និងរៀបចំសំណុំឯកសារពាក់ព័ន្ធ និងដំណើរការធ្វើសមាហរណកម្មមន្ត្រីរាជការ នៃការកែទម្រងរចនាសម្ព័ន្ធ នៃរដ្ឋបាលក្រុង ស្រុក ខណ្ឌ ថ្មីនេះផងដែរ។
លោក ខ្លូត ផន ក៏បានផ្ដាំផ្ញើដល់ ក្រុម ប្រឹក្សា គណៈអភិបាលស្រុក មន្ត្រីរាជការ និងកងកម្លាំងមានសមត្ថកិច្ចគ្រប់លំដាប់ ថ្នាក់ ចាំបាច់ត្រូវខិតខំ ពង្រឹងស្មារតីសាមគ្គី ភាព ឯកភាពផ្ទៃក្នុងឲ្យបានល្អ ដោយឈរលើមូលដ្ឋាន នៃការលើកកម្ពស់ប្រសិទ្ធ ភាពធ្វើការ គោរពច្បាប់ គោរពគោលការ ណ៍នានារបស់រដ្ឋ និងពង្រឹងរបៀបរបបការងារ ដើម្បីលើកកម្ពស់ការទទួលខុស ត្រូវ និងភាពជាម្ចាស់របស់មន្ត្រី នៅក្នុងការបំពេញតួនាទី ភារកិច្ចរបស់ខ្លួនសំដៅអភិវ ឌ្ឍមូលដ្ឋាន និងឆ្លើយតបចំពោះតម្រូវការ របស់ប្រជាពលរដ្ឋ ក្នុងដែនសមត្ថកិច្ចរបស់ខ្លួន៕
