ភ្នំពេញ៖ វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល នាព្រឹកថ្ងៃចន្ទ ទី៤ខែឧសភា ឆ្នាំ២០២០ ផ្ញេីសាររំលែកមរណទុក្ខដ៏ក្រៀមក្រំ ជូនសម្តេចតេជោ និងសម្តេចកិត្តិព្រឹទ្ធបណ្ឌិត ចំពោះសពមហាឧបាសិកាធម្មញ្ញាពវិវឌ្ឍនា ប៊ុន ស៊ាងលី ដែលបានទទួលមរណភាពក្នុងជន្មាយុ៩៦ឆ្នាំ ដោយជរាពាធ។
តាមរយៈសាររំលែកទុក្ខ ដែលមជ្ឈមណ្ឌលព័ត៌មាន ទទួលបាន ឱ្យដឹងថា៖សូមគោរពជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជាទីគោរពដ៏ខ្ពង់ខ្ពស់បំផុត ៖
នាងខ្ញុំ និងក្រុមគ្រួសារ មានសេចក្តីរន្ធត់ និងសោកស្តាយជាអនេក ព្រមទាំងសូមលំអោនកាយ និងសម្រួមចិត្ត ចូលរួមមរណ:ទុក្ខយ៉ាងក្រៀមក្រំជាទីបំផុត ចំពោះសពមហាឧបាសិកាធម្មញ្ញាពវិវឌ្ឍនា ប៊ុន ស៊ាងលី ដែលបានទទួលមរណភាព ក្នុងជន្មាយុ៩៦ឆ្នាំ ដោយជរាពាធ។ នេះមិនត្រឹមជាកាបាត់បង់របស់មហាក្រុមគ្រួសាររបស់សម្តេចតេជោ និងសម្តេចកត្តិព្រឹទ្ធបណ្ឌិត ប៉ុណ្ណោះទេ តែជាការបាត់បង់ដ៏ធំធេង នៃឥស្សរៈជនដ៌ឆ្នើម ទាំងពុទ្ធចក្រ និង អាណាចក្រ សម្រាប់ប្រជាជនកម្ពុជាទាំងមូល និងសម្រាប់ព្រះរាជាណាចក្រកម្ពុជា។
ខ្ញុំសូមលេីកដៃប្រណមបួងសួង សូមឲ្យវិញ្ញាណក្ខ័ន្ឋសព មហាឧបាសិកាធម្មញ្ញាពវិវឌ្ឍនា ប៊ុន ស៌ាងលី បានទៅកាន់សុគតិភព កុំបីឃ្លៀងឃ្លាតឡេីយ។
សម្រួមកាយ និងចិត្តគោរពវិញ្ញាណក្ខ័ន្ធសព ដោយក្តីរន្ធត់ជាអនេក។
ពីនាងខ្ញុំ វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល និងក្រុមគ្រួសារ
