ភ្នំពេញ ៖ គ្រោះថ្នាក់ចរាចរណ៍ បានកើតឡើង កាលពីវេលាម៉ោង១០និង៤៥នាទីថ្ងៃទី១៥ ខែឧសភា ឆ្នាំ២០២០ នៅលើផ្លូវជាតិ៤៨ ចន្លោះបង្គោល ១-២ (ចំណុចស្ពានអូរជ្រៅ) ក្នុងភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង បណ្តាលឲ្យស្លាប់២នាក់ភ្លាមៗ នៅកន្លែងកើតហេតុ និងរងរបួស៦នាក់ ។
នគរបាលស្រុកស្រែអំបិល បានឲ្យដឹងថា រថយន្តទាំងពីរគ្រឿងនេះ បើកបញ្ច្រាសទិសគ្នា បុក ហើយធ្លាក់ចូលទឹកអូរ បណ្តាលឲ្យស្លាប់ ០២នាក់ គឺស្រី០១ នាក់ និងក្មេងប្រុស១នាក់។ ចំណែកអ្នករងរបួស មានចំនួន៦.នាក់ ក្នុងនោះស្រី៤នាក់ ។
បច្ចុប្បន្នកម្លាំងជំនាញ បានជួយសង្រ្គោះ យកអ្នករងរបួស ទៅកាន់មន្ទីរពេទ្យ ៕
