កម្លាំងអាវុធហត្ថខណ្ឌឫស្សីកែវ ឃាត់ខ្លួនស្ត្រី១នាក់ ពាក់ព័ន្ធករណីគ្រឿងញៀន

ភ្នំពេញ ៖ ថ្នាំញៀនជាង១០កញ្ចប់ធំ ក្នុងនោះមានម្សៅស១កញ្ចប់ ត្រូវដកហូតបានពីស្ត្រីជាជនសង្ស័យ១នាក់ នៅក្នុងប្រតិបត្តិការ ស្រាវជ្រាវបង្ក្រាប ដោយកម្លាំងកងរាជអាវុធហត្ថខណ្ឌប្ញស្សីកែវ ហេតុការណ៍នេះកើត ឡើងកាលពីវេលាម៉ោង១៥ និង៣០នាទី ថ្ងៃទី២០ ខែឧសភា ឆ្នាំ២០២០ នៅចំណុចផ្ទះលេខ១៣៣ ក្រុម១៤ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។

ស្រ្តីជាជនសង្ស័យឈ្មោះ សំ ធាវី ភេទស្រី អាយុ៥៣ឆ្នាំ មានទីលំនៅផ្ទះលេខ១៣៣ ក្រុម១៤ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ដោយមានវត្ថុតាងរួមមាន ៖
-ក្រាមពណ៌សថ្លា ចំនួន ១០កញ្ចប់(ធំ០៧)

-ម្ស៉ៅម៉ដ្ឋពណ៌ស ០១កញ្ចប់ធំ + កន្លះ

-ជញ្ជីងសម្រាប់ថ្លឹងគ្រឿងញៀនចំនួន ០១

-ថង់សម្រាប់ច្រកគ្រឿងញៀនមួយចំនួន

-សម្ភារៈសម្រាប់សេពគ្រឿងញៀនមួយចំនួន

បច្ចុប្បន្នជនសង្ស័យខាងលើ ត្រូវបានបញ្ជូនទៅការិយាល័យ ស្រាវជ្រាវបទល្មើសគ្រឿងញៀន​ នៃកងរាជអាវុធហត្ថរាជធានីភ្នំពេញ​កសាងសំណុំ រឿងបញ្ជូនទៅ​តុលាការចាត់ការតាម​នីតិវិធីច្បាប់ ៕