ភ្នំពេញ៖ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានលើកឡើងជាទស្សនៈយ៉ាងខ្លីដែលបង្កប់ន័យថា អ្នកមានមួយចំនួនដែលមានរថយន្តទំនើបៗជិះហើយ មិនគួរប្រើផ្លាកលេខរដ្ឋនោះទេ ។
តាមរយៈបណ្ដាញសង្គមហ្វេសប៊ុក នៅថ្ងៃទី៤ មិថុនានេះ លោករដ្ឋមន្ត្រីព័ត៌មាន បានសរសេរសារយ៉ាងខ្លីថា «ខ្ញុំគិតថា មានដល់ឡាននេះជិះហើយ មិនគួរប្រើលេខ រដ្ឋទេ!» ។
ក្រោយលោករដ្ឋមន្ត្រីព័ត៌មាន លើកឡើងដូច្នេះក៏មាន អ្នកលេងបណ្ដាញសង្គមជាច្រើន បានសម្ដែងនូវគាំទ្រ ចំពោះប្រសាសន៍ដ៏មានអត្ថន័យ របស់លោករដ្ឋមន្ត្រីផងដែរ ។
ក្នុងខមិនជាច្រើនមានអ្នកខ្លះ លើកឡើងជាមតិថា «អាចជាឡានមិនបង់ពន្ឋ ។ បាទនេះជាទស្សនទានមួយល្អបំផុតហើយ ខ្ញុំបាទគាំទ្រ។ ប្រហែលអ្នកជិះយល់ថា នគរបាលគឺមានអំណាចជាងឡាន និងលុយគាត់មែនហើយ។ គ្រាន់តែឡានទំនើបចឹងហើយ គេខ្លាចបាត់ហើយ» ។
ដោយឡែកអ្នកខ្លះទៀតលើកឡើងដែរថា «ប្រហែលជាមានហេតុផលរបស់គាត់ អាចថាគាត់ស្ម័គ្រចិត្តប្រគល់ រថយន្តនេះមកជាសម្បត្តិរដ្ឋនៅថ្ងៃក្រោយតាមការទាមទាររបស់រដ្ឋាភិបាល ឬមួយក៏គាត់គិតថាបើថ្ងៃក្រោយ ចង់ស៊ើបអង្កេតរឿងពុករលួយរបស់គាត់ គឺមិនបាច់ទេ គ្មានរឿងពុករលួយឡើយ សូម្បីតែឡានគាត់ជិះមកធ្វើការ ក៏ទំនើបណាស់ហើយ លុយម៉ាគគោក មិនបាច់ពុករលួយទេ!» ៕
ដោយ៖ ខា ដា
