ព្រះមហាក្សត្រប្រោស ព្រះរាជទាន ព្រះរាជទ្រព្យ ១លានដុល្លារ ដល់រាជរដ្ឋាភិបាលកម្ពុជា សម្រាប់បង្ការ និងទប់ស្កាត់ជំងឺកូវីដ-១៩

ភ្នំពេញ ៖ ព្រះករុណាព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រះអង្គសព្វព្រះរាជហឫទ័យ ប្រោសព្រះរាជទានព្រះរាជទ្រព្យចំនួន ១.០០០.០០០ USD (មួយលានដុល្លារសហរដ្ឋអាមេរិច) ជូនរាជរដ្ឋាភិបាលកម្ពុជា ជាលើកទី២ សម្រាប់សកម្មភាពបង្ការ និងទប់ស្កាត់ការរាតត្បាត នៃជំងឺកូវីដ-១៩(COVID-19)នេះ ដែលកំពុងរាលដាល ក្នុងពេលបច្ចុប្បន្ន ។