ភ្នំពេញ ៖ លោក Wang Wentian ឯកអគ្គរដ្ឋទូតចិន ប្រចាំកម្ពុជា ជឿជាក់ថា ប្រភេទសៀវភៅ «ស៊ី ជីនភីង ស្តីពី អភិបាលកិច្ចប្រទេសចិន» នឹងចូលរួមបើកបង្អួចគំនិត សម្រាប់មិត្តកម្ពុជាទូទៅ ស្វែងយល់ ដឹងយ៉ាងទូលំទូលាយ និងកាន់តែស៊ីជម្រៅអំពីចិន នាបច្ចុប្បន្ន ។ នេះបើយោងតាមគេហទំព័រ ហ្វេសប៊ុករបស់ ស្ថានទូតចិន ប្រចាំកម្ពុជា ។
ក្នុងកម្មវិធីផ្សព្វផ្សាយសៀវភៅ សង្ខេបខ្លឹមសាររបស់ លោក ស៊ី ជីនភីង ស្តីពី អភិបាលកិច្ចប្រទេសចិន ភាគ៣ កាលពីថ្ងៃទី២៩ ខែកញ្ញា ឆ្នាំ២០២០ លោក Wang Wentian មានប្រសាសន៍ថា «ចាប់តាំងពី បោះពុម្ពផ្សាយភាគ១ និងភាគ២ នៃសៀវភៅ ស៊ី ជីនភីង ស្តីពី អភិបាលកិច្ចប្រទេសចិន មក ក៏ទទួល បានការចាប់អារម្មណ៍ និងការស្វាគមន៍យ៉ាងទូលាយ ពីសំណាក់មិត្តអ្នកអាន ដែលមកពីបណ្តា ប្រទេសរួមទាំងប្រទេសកម្ពុជា ផងដែរ។
លោកបន្ដថា សៀវភៅ ស៊ី ជីនភីង ស្តីពីអភិបាលកិច្ចប្រទេសចិន ភាគ៣ ដែលត្រូវបានចុះផ្សាយ ក្នុងពេលថ្មីៗនេះ បានប្រមូលផ្តុំនូវឯកសារសំខាន់ៗ តាំងពីសមាជមជ្ឈឹមបក្សកុម្មុយនីស្តចិនលើកទី១៩ កាលពីខែតុលា ឆ្នាំ២០១៧ រហូតដល់ខែមករា ឆ្នាំ២០២០ របស់លោក ស៊ី ជីនភីង អគ្គលេខាធិការបក្ស ដែលក្នុងនោះ មានចំនួន៩២អត្ថបទ រួមមាន របាយការណ៍ សុន្ទរកថា និងអត្ថបទមតិសំណេះសំណាល បានគ្របដណ្ដប់នូវគំនិតសំខាន់ៗនៃការកែទម្រង់អភិវឌ្ឍស្ថេរភាព កិច្ចផ្ទៃក្នុងកិច្ចការទូតកិច្ចការពារជាតិ និងអភិបាលកិច្ចបក្សប្រទេសនិងយោធា ខ្លឹមសារសម្បូរបែប អត្ថន័យជ្រាលជ្រៅក្នុងទស្សនវិជ្ជា នេះមិនត្រឹមតែជាឯកសារបង្រៀនដ៏រស់រវើកសម្រាប់ក្បាលម៉ាស៊ីននៃសព្វាវុធ ចង្អុលបង្ហាញអនុវត្ត និងជំរុញកិច្ចការគ្រប់ស្ថាប័ននិងតំបន់នោះទេ ក៏មានអត្ថន័យជាក់ស្តែងសំខាន់សម្រាប់មិត្តបរទេស ក្នុងការស្វែងយល់ពីប្រទេសចិននិងសិក្សាពីគ្នាទៅវិញទៅមក។
លោកបញ្ជាក់ថា សៀវភៅ ស៊ី ជីនភីង ស្តីពីអភិបាលកិច្ចប្រទេសចិន គឺជាបង្អួចគំនិតក្នុងការស្វែង យល់ពីស្ថានភាពបច្ចុប្បន្ននៃប្រទេសចិន និងយល់ដឹងអំពីអនាគតកាលប្រទេសចិន ហើយក៏ជាមគ្គុទេស វិទ្យាវិទ្យាសាស្ត្រសម្រាប់ដោះស្រាយបញ្ហាសម័យកាលបច្ចុប្បន្ន និងដឹកនាំភាពរីកចម្រើន ដ៏ពេញ និយម។លោកថា ក៏ជាក្រវាត់ចម្បងសម្រាប់ចិន និងកម្ពុជា ក្នុងការជឿទុកចិត្តគ្នាទៅវិញទៅមកយ៉ាង ស៊ីជម្រៅ ជំរុញកិច្ចទំនាក់ទំនងមនុស្សសាស្រ្ត។
លោកបន្ថែមថា គំនិតអភិវឌ្ឍន៍នៃប្រទេសចិន និងប្រទេសកម្ពុជា មានទំនាក់ទំនងគ្នានឹងគ្នា ភារកិច្ចអភិ វឌ្ឍន៍ប្រហាក់ប្រហែលគ្នា សុទ្ធតែក្នុងគោលបំណងការពារអធិបតេយ្យភាពជាតិ សេចក្តីថ្លៃថ្នូរ និងបូរណភាពទឹកដីប្រកបដោយស្មារតីមុតមាំបំផុត រួមកម្លាំងដើម្បីពង្រឹងកិច្ចសហប្រតិបត្តិការអន្តរជាតិ រក្សាសន្តិភាពនិងស្ថិរភាពពិភពលោក។ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ហ៊ុន សែន បានវាយតម្លៃខ្ពស់ជាច្រើនដងច្រើនសាចំពោះគំនិតរបស់លោក ស៊ី ជីនភីង ស្តីពីសង្គមនិយមដែល មានលក្ខណៈពិសេសនៃចិននៅក្នុងយុគសម័យថ្មីនេះ។
លោកជឿជាក់ថា «ប្រភេទសៀវភៅ ស៊ី ជីនភីង ស្តីពីអភិបាលកិច្ចប្រទេសចិន នឹងចូលរួមបើកបង្អួច គំនិតសម្រាប់មិត្តកម្ពុជាទូទៅ ស្វែងយល់ដឹងយ៉ាងទូលំទូលាយ និងកាន់តែស៊ីជម្រៅអំពីប្រទេសចិន នាបច្ចុប្បន្ននេះ។ ប្រទេសចិនរីករាយបន្តពង្រឹងទំនាក់ទំនងកិច្ចពិភាក្សាបទពិសោធន៍ អំពីអភិបាល កិច្ចកាន់តែស៊ីជម្រៅជាមួយភាគីកម្ពុជា រួមគ្នាកសាងសហគមន៍ជោគវាសនារួមរវាង ចិន និងកម្ពុជា ប្រកបដោយអត្ថន័យយុទ្ធសាស្ត្រ»។
លោក អ៊ុ សារឹទ្ធ អគ្គលេខាធិការព្រឹទ្ធសភាកម្ពុជា បានថ្លែងថា សៀវភៅ ស៊ី ជីនភីង ស្តីពីអភិបាលកិច្ចប្រទេសចិន មិនត្រឹមតែបង្ហាញពីស្នាដៃនិពន្ធច្បាស់លាស់នៃគំនិតសង្គមនិយម ដែលមានលក្ខណៈ ពិសេស នៃចិនក្នុងយុគសម័យថ្មីរបស់លោក ស៊ី ជីនភីង និងជាស្មារតីទ្រព្យធនដ៏មានតម្លៃមហាសាលសម្រាប់ប្រជាជនចិននោះទេ ក៏ជាអត្ថបទសំខាន់ក្នុងការស្វែងយល់សិក្សាពីបទពិសោធន៍នៃការអភិវឌ្ឍន៍ និងអភិបាលកិច្ចប្រទេសចិន។
លោកបន្ថែមថា អំណានប្រភេទសៀវភៅ ស៊ី ជីនភីង ស្តីពីអភិបាលកិច្ចប្រទេសចិន ធ្វើឲ្យពលរដ្ឋអាចស្វែងយល់កាន់តែច្បាស់អំពីសមត្ថភាពដឹកនាំនិងចក្ខុវិស័យលើឆាកអន្តរជាតិរបស់លោក ស៊ី ជីនភីង អគ្គលេខាធិការបក្ស។ ភាគីកម្ពុជានឹងចាត់ចែងការអានយ៉ាងយកចិត្តទុកដាក់ ដើម្បីក្រេបបទពិសោធន៍ក្នុងសៀវភៅខាងលើ និងយកមកប្រើប្រាស់ក្នុងកិច្ចការជំរុញជាក់ស្តែងនៃការអភិវឌ្ឍន៍ក្នុងប្រទេសកម្ពុជា៕
