ព័ត៌មានជាតិ

អ្នកស្លាប់ ដោយទឹកជំនន់នៅវៀតណាមកើនដល់ ២៩នាក់ ក្នុងនោះ ៣នាក់ ស្លាប់ដោយសារ ឆក់ខ្សែភ្លើង

បរទេស៖ ចំនួនអ្នកស្លាប់ដោយសារទឹកជំនន់ និងការបាក់ដីបង្កឡើងដោយភ្លៀងធ្លាក់ខ្លាំងនៅកណ្តាលប្រទេសវៀតណាម បានកើនឡើងដល់ ២៩ នាក់គិតត្រឹមព្រឹក ថ្ងៃអង្គារនេះ។

យោងតាមសារព័ត៌មាន VN Express ចេញផ្សាយនៅថ្ងៃទី១៣ ខែតុលា ឆ្នាំ២០២០ បានឱ្យដឹងថា គណៈកម្មាធិការដឹកនាំដើម្បីបង្ការ និងគ្រប់គ្រងគ្រោះមហន្តរាយធម្មជាតិបាននិយាយថា មនុស្សចំនួន ២៣ នាក់បានបាត់បង់ជីវិតដោយសារ ទឹកជំនន់ និង ៣នាក់ទៀត បានបាត់បង់ជីវិតក្នុងគ្រោះថ្នាក់ជិះទូក ចំណែក ៣ នាក់ទៀតបានស្លាប់ដោយសារការឆក់ចរន្តអគ្គិសនីខណៈពេលកំពុងសម្អាតផ្ទះ។

គណៈកម្មាធិការបាននិយាយថាមនុស្ស ១២ នាក់ទៀតកំពុងបាត់ខ្លួននៅឡើយ ខណៈដែលទឹកជំនន់បានជន់លិចផ្ទះជាង ១៣០ ០០០ ខ្នង និងដំណាំចំនួន ៤.០០០ ហិកតាដែលបានបំផ្លាញផ្លូវ រួមទាំងស្ពានជាច្រើន៕ ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top