កណ្ដាល៖ លោក ប៊ុន ផេង អភិបាលស្រុកខ្សាច់កណ្តាល ក្រុមប្រឹក្សាស្រុក មន្រ្តីរាជការ សប្បុរសជន និងកងកម្លាំង ទាំងបី នៃរដ្ឋបាលស្រុកបានចូលរួមបរិច្ចាគថវិកា ចំនួន១០,០០០ដុល្លា ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ-១៩ សម្រាប់ចាក់ជូនប្រជាពលរដ្ឋដោយឥតគិតថ្លៃ។
សូមរំលឹកថា កាលពីថ្ងៃទី៧ ខែធ្នូ ឆ្នាំ២០២០ សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា បាន ប្រកាស អំពីការត្រៀមបម្រុងថវិកា សម្រាប់ទិញវ៉ាក់សាំងយកមក ចាក់ជូនប្រជាជនដោយឥតគិតថ្លៃ ហើយជាជំហានដំបូង ចំនួន ១លានដូស ដើម្បីចាក់ជូនប្រជាពលរដ្ឋប្រមាណ ៥០ម៉ឺននាក់ ផងដែរ៕
ដោយ៖ អេង ប៊ូឆេង
