ភ្នំពេញ : ក្មេងៗ៦នាក់ បាននំាគ្នាទៅលេងទឹក មានក្មេងបីនាក់ បានធ្លាក់ចូលកន្លែងជ្រៅ បណ្តាលឲ្យលង់ស្លាប់ នៅថ្ងៃទី២០ ខែធ្នូ ឆ្នាំ២០២០ វេលាម៉ោង ១០ ព្រឹក នៅចំណុចវាលល្វែងទោង ខាងត្បូងស្ពានភ្លោះ ចម្ងាយ២០០ម៉ែត្រ ស្ថិតនៅខាងកើតភូមិក្តឿងរាយ ឃុំក្តឿងរាយ ស្រុកកញ្ជ្រៀច ខេត្តព្រៃវែង។
ករណីលុងទឹកខាងលើ ជនរងគ្រោះ ៣ នាក់ដែលបានស្លាប់ ៖
១.ជនរងគ្រោះឈ្មោះ ជា មករា ភេទប្រុស អាយុ ១២ ឆ្នាំ ភូមិក្តឿងរាយ ឃុំក្តឿងរាយ ស្រុកកញ្ជ្រៀច ។
២.ជនរងគ្រោះឈ្មោះ ផៃ រ៉ាវី ភេទប្រុស អាយុ ១០ ឆ្នាំ នៅភូមិដូងវាល ឃុំក្តឿងរាយ
៣.ជនរងគ្រោះឈ្មោះ ផា ឧត្តម ភេទប្រុស អាយុ ១១ ឆ្នាំ នៅភូមិដូងវាល ស្រុកកញ្ជ្រៀច
តាមការបំភ្លឺពីក្រុមគ្រួសារសព បញ្ជាក់ថា ក្មេងទាំង៦នាក់នេះបាន បបួលគ្នា ទៅលេងទឹក មានកន្លែងរាក់ៗ និងជ្រៅ ស្រាប់តែ ក្មេងប្រុសបីនាក់ បានដើរ ទៅមិនដឹងកន្លែងជ្រៅទេ បណ្តាលឲ្យធ្លាក់ចូលរណ្តៅជ្រៅលុងស្លាប់តែម្តង ។
បន្ទាប់ពីបានធ្វើការពិនិត្យចប់សព្វគ្រប់ និងស្តាប់ការបំភ្លឺរបស់សាក្សី នៅកន្លែងកើតហេតុ: ឃើញថា សាកសពទាំង ៣ នាក់ គឺពិតជាស្លាប់លង់ទឹក ដោយខ្លួនឯងពិតប្រាកដមែន។
ក្រោយសមត្ថកិច្ចពិនិត្យសពរូច យើងបានប្រគល់សពទាំង ៣ នាក់ ជូនក្រុមគ្រួសារ ដើម្បីធ្វើបុណ្យតាមប្រពៃណី៕
