ភ្នំពេញ៖ ធនាគារអភិវឌ្ឍន៍អាស៊ី (ADB) បានសម្តែងការអបអរសាទរចំពោះកម្ពុជា ក្នុងការទទួលបានដំណក់ ប្រេងលើកដំបូងរបស់ខ្លួន នៅថ្ងៃទី២៩ ខែធ្នូ ឆ្នាំ២០២០នេះ។
សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានបង្ហោះសារនៅលើ បណ្ដាញសង្គមហ្វេសប៊ុក នថា ដំណក់ប្រេងលើកដំបូងរបស់កម្ពុជា នឹងចាប់ផ្តើមផលិតចេញពីអណ្តូងប្រេងទី១ ឈ្មោះ A-0ID នៃផ្លាតហ្វម A នៅក្នុងប្លុកនៃឈូងសមុទ្រកម្ពុជា នៅថ្ងៃទី២៩ ធ្នូ នេះ ដែលគាប់ជួ នជាមួយថ្ងៃខួបលើកទី២២ នៃការ បញ្ចប់សង្រ្គាមនាំមកនូវការឯកភាពជាតិ ឯកភាពទឹកដី តាមរយៈនយោបាយឈ្នះ-ឈ្នះ (២៩ធ្នូ ១៩៩៨-២៩ ធ្នូ ២០២០)។
សម្ដេចតេជោ បន្ដថា ថ្ងៃទី២៩ ខែធ្នូ ឆ្នាំ១៩៩៨ បានបង្ក លក្ខណៈសម្បត្តិគ្រប់យ៉ាងឲ្យប្រជាជនកម្ពុជា មាន ដំណក់ប្រេង លើកដំបូងនៅកម្ពុជា នាថ្ងៃទី២៩ ខែធ្នូ ឆ្នាំ២០២០នេះ។
បើតាមលិខិតរបស់ក្រសួងរ៉ែ ដំណក់ប្រេងដំបូងដែលកម្ពុជា ទទួលបានជាលទ្ធផលប្រវត្តិសាស្ត្រ ហើយក៏ជានិមិត្តរូបនៃជោគជ័យ របស់ជាតិកម្ពុជាទាំ ងមូល ដែលប្រជាពលរដ្ឋទូទាំងប្រទេស បានទន្ទឹមរង់ចាំជាច្រើនជំនាន់មកហើយ ៕
