៣ថ្ងៃ ចូលឆ្នាំចិន គ្រោះថ្នាក់ចរាចរណ៍ សម្លាប់មនុស្ស១៤នាក់ និងរបួស៥២នាក់

ភ្នំពេញ ៖ ក្នុងរយៈពេល៣ថ្ងៃ នៃថ្ងៃចូលឆ្នាំចិន-វៀតណាម ចាប់ពីថ្ងៃទី១១-១៣ ខែកុម្ភៈ ឆ្នាំ២០២១ គ្រោះថ្នាក់ចរាចរណ៍ បានកើតឡើងចំនួន៣៥លើក ដោយសម្លាប់មនុស្សចំនួន១៤នាក់ និង៥២នាក់រងរបួស ។ នេះបើយោងតាមអគ្គស្នងការដ្ឋាន នគរបាលជាតិ ចេញផ្សាយថ្ងៃ១៥ កុម្ភៈ ។

មូលហេតុនៃការស្លាប់ របស់ប្រជាពលរដ្ឋ ដោយសារ ល្បឿនចំនួន៨នាក់ , មិនគោរពសិទ្ធចំនួន២នាក់, ប្រជែងគ្រោះថ្នាក់២នាក់, បត់គ្រោះថ្នាក់១នាក់ និង ស្រវឹង១នាក់ ។
ប្រៀបធៀបឆ្នាំ២០២០ រយៈពេល៣ថ្ងៃដូចគ្នា ជនរងគ្រោះស្លាប់បានថយចុះ២១នាក់ រងរបួសកើន១នាក់, រងរបួសធ្ងន់ ថយ៧នាក់ និងគ្រោះថ្នាក់ថយចុះ១៣លើក ៕