ភ្នំពេញ ៖ លោក ជា ពិសី អភិបាល ខណ្ឌឫស្សីកែវ បានឲ្យដឹងថា នៅថ្ងៃថ្ងៃទី១៨ ខែមីនា ឆ្នាំ២០២១ អាជ្ញាធរបានរកឃើញ អ្នកមានវិជ្ជមាន នឹងមេរោគកូវីដ១៩ ចំនួន ១ នាក់ ជាបុរស អាយុ ១៨ បាននិងកំពុងស្នាក់នៅ ផ្ទះជួល ផ្លូវបេតុង ភូមិផ្សារតូច សង្កាត់ទួលសង្កែទី១ ខណ្ឌប្ញស្សីកែវ រាជធានីភ្នំពេញ (ទល់មុខស្ថានីយ៍ប្រេងឥន្ទនៈ PTT) ។
តាមរយៈគេហទំព័រហ្វេសប៊ុក លោក ជា ពិសីបានអះអាងថា ក្រោយពីទទួលបានព័ត៌មាន ពីមន្ត្រីសុខាភិបាល ភ្លាមៗនោះអាជ្ញាធរ បានខិតខំស្វែងរកអ្នកជំងឺ តាំងពីយប់ថ្ងៃទី១៧ ខែមីនា ឆ្នាំ២០២១ ដោយសារតែប្រព័ន្ធទូរស័ព្ទ របស់អ្នកជំងឺមិនអាចទាក់ទងបាន ទើបហើយជាក់ស្ដែង មកដល់វេលាម៉ោង១៧ និង០០ នាទី ថ្ងៃទី១៨ ខែមីនា ឆ្នាំ២០២១ អាជ្ញាធរបានរកឃើញ អ្នកមានវិជ្ជមាននឹងមេរោគកូវីដ១៩ ខាងលើនេះ ។
បច្ចុប្បន្នអ្នកជំងឺ ត្រូវបានបញ្ជូនទៅព្យាបាល នៅអតីតសណ្ឋាគារ អ៉ីនធើខនទីណង់តាល់ (The Great Duke) ជាចុងក្រោយ អាជ្ញាធរ សម្រេចបិទទីតាំងខាងលើ នេះជាបណ្ដោះអាសន្ន ៕
