ភ្នំពេញ៖ លោក ជា លាងហុង អនុប្រធានសមាគម តំណាង លោក គង់ រិទ្ធា ប្រធានសមាគម ចលនាយុវជនកម្ពុជា (ក្រុម១៥៧) ក្រុងប៉ោយប៉ែត សាខាខេត្តបន្ទាយមានជ័យ នៅថ្ងៃទី២១ ខែមេសា ឆ្នាំ២០២១នេះ បានដឹកនាំសមាជិក សមាជិកា ចំនួន១១នាក់ នាំយកសម្ភារៈ គ្រឿងឧបភោគបរិភោគ ប្រគល់ជូនប៉ុស្តិ៍នគបាល វរៈការពារព្រំដែន៨៩១ និងកងកម្លាំងសឹករង ក្រុងប៉ោយប៉ែត ដែលកំពុងឈរជើង នៅភូមិសន្តិភាព ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ដើម្បីចូលរួមចំណែក ជាមួយប្រមុខរាជរដ្ឋាភិបាល និងក្រសួងសុខាភិបាល ក្នុងយុទ្ធនាការ ប្រយុទ្ធប្រឆាំង ជំងឺកូវីត១៩ ។
ការនាំយកសម្ភារៈ គ្រឿងឧបភោគបរិភោគ ប្រគល់ជូនកម្លាំងមានសមត្ថកិច្ច នាឱកាសនេះ ដោយមានការចង្អុលបង្ហាញ ពីលោក ម៉ឹង ពន្លក ប្រធានសមាគម ចលនាយុវជនកម្ពុជា (ក្រុម១៥៧) និងមានការណែនាំ ពីលោក ចៅ ជីអាន ប្រធានសមាគម ចលនាយុវជនកម្ពុជា (ក្រុម១៥៧) សាខាខេត្តបន្ទាយមានជ័យ ដែលជានិច្ចជាការ សមាគមចលនាយុវជនកម្ពុជា (ក្រុម១៥៧) តែងតែបានគិតគូរពីសុខទុក្ខ កងកម្លាំងមានសមត្ថកិច្ច និងប្រជាពលរដ្ឋផងដែរ ។
សម្ភារៈ និងគ្រឿងឧបភោគបរិភោគ ទាំងនោះរួមមាន៖ ម៉ាសចំនួន ៤០ ប្រអប់ (ស្មីរនិង២០០០ម៉ាស), មីចំនួន១៥កេស, ទឹកសុទ្ធចំនួន២០០យួរ និងទឹកភេសជ្ជៈប៉ូវកម្លាំង M150 ចំនួន២កេស៕
