ប៉េកាំង៖ ក្រុមប្រឹក្សារដ្ឋចិន និងរដ្ឋមន្ត្រីការបរទេសចិន លោក វ៉ាង យី កាលពីថ្ងៃសុក្របានទាក់ទង ជាមួយក្រុមប្រឹក្សា ទំនាក់ទំនងបរទេស សហរដ្ឋអាមេរិក តាមរយៈតំណភ្ជាប់វីដេអូ ដោយបានដាក់សំណើ ៥ចំណុចជុំវិញ ទំនាក់ទំនងទ្វេភាគី។
លោក វ៉ាង យី បានលើកឡើងថា ប្រមុខរដ្ឋទាំងពីរបានគូសបញ្ជាក់ ទិសដៅទូទៅ ដើម្បីអភិវឌ្ឍចំណងទាក់ទង រវាងប្រទេសទាំងពីរ។ ទោះជាយ៉ាងណាក៏ដោយ គោលនយោបាយ សហរដ្ឋអាមេរិក ចំពោះប្រទេសចិន មិនទាន់បានជំនះ ការយល់ច្រលំរបស់ខ្លួន ចំពោះប្រទេសចិន នៅឡើយទេហើយប្រទេសនេះ មិនបានរកឃើញ ផ្លូវត្រឹមត្រូវក្នុងការដោះស្រាយ ជាមួយចិននោះទេ។
លោកបានដាក់ចេញ នូវការផ្តល់យោបល់ចំនួន ៥ ទៅកាន់សហរដ្ឋអាមេរិក ស្តីពីវិធីមើលទំនាក់ទំនង ពីទស្សនៈយុទ្ធសាស្ត្ររវាងចិន – សហរដ្ឋអាមេរិក។
ទី១សហរដ្ឋអាមេរិក គួរតែស្វែងយល់ និងមើលការអភិវឌ្ឍរបស់ចិន ប្រកបដោយគោលបំណង និងសមហេតុផល។
ទី ២ សហរដ្ឋអាមេរិកគួរតែធ្វើការជាមួយចិន លើមាគ៌ាថ្មី នៃការរួមរស់ដោយសន្តិភាព និងកិច្ចសហប្រតិបត្តិការឈ្នះ – ឈ្នះ។
ទី៣ សហរដ្ឋអាមេរិក គួរតែគោរព និងអត់ធ្មត់ចំពោះមាគ៌ា និងប្រព័ន្ធដែលចិន បានជ្រើសរើសដោយឯករាជ្យ។
ទី ៤ សហរដ្ឋអាមេរិក គួរតែអនុវត្តពហុភាគីនិយម ក្នុងន័យជាក់ស្តែង។
ទី ៥ សហរដ្ឋអាមេរិក មិនគួរជ្រៀតជ្រែកកិច្ចការផ្ទៃក្នុង របស់ចិនឡើយ។
យោងតាមលោក វ៉ាង យី បានឱ្យដឹងថា “ប្រាជ្ញារបស់ចិន គឺថា“ ប្រទេសមួយ ដែលអនុវត្តអនុត្តរភាព ត្រូវវិនាសសាបសូន្យ” ជាជាង “ប្រទេសមួយពិត ជានឹងស្វែងរកអនុត្តរភាព នៅពេលដែលកាន់តែខ្លាំង”៕ ដោយ៖ ឈូក បូរ៉ា
