ភ្នំពេញ៖ រដ្ឋបាលខេត្តសៀមរាប នៅថ្ងៃទី៣០ ខែឧសភា ឆ្នាំ២០២១នេះ បានចេញសេចក្ដីប្រកាសព័ត៌មានស្ដីពីការ រកឃើញអ្នកវិជ្ជមានជំងឺកូវី-១៩ ថ្មី ចំនួន៨នាក់ និងជាសះស្បើយអ្នកវិជ្ជមានជំងឺកូវីដ-១៩ ចំនួន២នាក់ ។
រដ្ឋបាលខេត្តសៀមរាប មានកិត្តិយស សូមជម្រាបជូនសាធារណជនឱ្យបានជ្រាបថា៖ក្នុងព្រឹត្តិការណ៍ ការឆ្លងរាលដាលជំងឺកូវីដ-១៩ ចូលក្នុងសហគមន៍២០កុម្ភៈ នេះ រដ្ឋបាលខេត្ត បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៨នាក់ នៅថ្ងៃទី២៨ ខែឧសភា ឆ្នាំ២០២១ ដូចមានរាយនាមខាងក្រោម៖
១- ឈ្មោះ ហាប់ ប៊ុនតុង ភេទប្រុស អាយុ៤០ឆ្នាំ អាសយដ្ឋាននៅភូមិអំពិលទៀត ឃុំខ្នាត ស្រុកពួក ជាអ្នកបើករថយន្នឈ្មួល ភ្នំពេញ-ប៉ោយប៉ែត។
២- ឈ្មោះ អ៊ុត អ៊ីម ភេទស្រី អាយុ២៤ឆ្នាំ អាសយដ្ឋាននៅភូមិដី ឃុំស្លែងស្ពាន ស្រុកក្រឡាញ់ មកពីប្រទេសថៃ កាលពីថ្ងៃទី២២ ខែឧសភា ឆ្នាំ២០២១។
៣- ឈ្មោះ សឿប ស៊ីនួន ភេទស្រី អាយុ៣៤ឆ្នាំ អាសយដ្ឋាននៅភូមិប្រាសាទធំ ឃុំរោងគោ ស្រុកក្រឡាញ់ មកពីប្រទេសថៃ កាលពីថ្ងៃទី២២ ខែឧសភា ឆ្នាំ២០២១។
៤- ឈ្មោះ យិន សុជាតិ ភេទស្រី អាយុ៤៣ឆ្នាំ អាសយដ្ឋាននៅភូមិវាល សង្កាត់គោកចក ក្រុងសៀមរាប មកពីប្រទេសថៃ កាលពីថ្ងៃទី២២ ខែឧសភា ឆ្នាំ២០២១។
៥- ឈ្មោះ សន សុភ័ក្រ ភេទស្រី អាយុ២១ឆ្នាំ អាសយដ្ឋាននៅភូមិវាល សង្កាត់គោកចក ក្រុងសៀមរាប មកពីប្រទេសថៃ កាលពីថ្ងៃទី២៨ ខែឧសភា ឆ្នាំ២០២១។
៦- ឈ្មោះ សល ហិន ភេទស្រី អាយុ២០ អាសយដ្ឋាននៅភូមិសង្កែ ឃុំស្នូល ស្រុកក្រឡាញ់ មកពីក្រុងបាងកក ប្រទេសថៃ កាលពីថ្ងៃទី២៨ ខែឧសភា ឆ្នាំ២០២១។
៧- ឈ្មោះ វូ សេងថៃ ភេទប្រុស អាយុ២៧ឆ្នាំ អាសយដ្ឋាននៅភូមិល្ហុង ឃុំស្រណាល ស្រុកក្រឡាញ់ មកពីក្រុងបាងកក ប្រទេសថៃ កាលពីថ្ងៃទី២៨ ខែឧសភា ឆ្នាំ២០២១។
៨- ឈ្មោះ ចាន់ តារ៉ា ភេទប្រុស អាយុ២៤ឆ្នាំ អាសយដ្ឋាននៅភូមិព្រៃកប្បាស ឃុំព្រៃកប្បាស ស្រុកព្រៃកប្បាស ខេត្តតាកែវ បានធ្វើដំណើរមកពីក្រុងប៉ោយប៉ែត ខេត្តបន្ទាយមានជ័យ នាថ្ងៃទី២៩ ខែឧសភា ឆ្នាំ២០២១ និងបានធ្វើចត្តាឡីស័ក នៅមណ្ឌលចត្តាឡីស័កគរុកោសល្យ និងវិក្រឹតការខេត្តសៀមរាប។
ចំពោះករណីទី១ ត្រូវបានក្រុមការងារជំនាញស្រាវជ្រាវរកឃើញ និងបញ្ជូនទៅយកសំណាកវិភាគ នៅមណ្ឌលចត្តាឡីស័កគរុកោសល្យ និងវិក្រឹតការខេត្តសៀមរាប ដោយទទួលបានលទ្ធផលវិជ្ជមានជំងឺកូវីដ-១៩ បន្ទាប់ពីបានជាប់ពាក់ព័ន្ធនឹងឈ្មោះ ពិន ស៊ាន ភេទប្រុស អាយុ២៦ឆ្នាំ ដែលមានវិជ្ជមានជំងឺកូវីដ-១៩ កាលពីថ្ងៃទី២៨ ខែឧសភា ឆ្នាំ២០២១។ ដោយឡែក ករណីទី២ ទី៣ ទី៤ ទី៥ ទី៦ និងទី៧ គឺជាពលកចំណាក់ស្រុក ដែលត្រឡប់មកពីប្រទេសថៃ ហើយត្រូវបានក្រុមគ្រូពេទ្យ ដាក់ឱ្យធ្វើចត្តាឡីស័កនៅវិទ្យាស័យសម្ដេចឪ ពេលដែលបានមកដល់ខេត្តសៀមរាប។
ជាមួយគ្នានេះ ក្រុមគ្រូពេទ្យនៃមន្ទីរពេទ្យបង្អែកខេត្តសៀមរាប បានព្យាបាលជាសះស្បើយអ្នកជំងឺកូវីដ-១៩ ចំនួន២នាក់ នៅថ្ងៃទី២៩ ខែឧសភា ឆ្នាំ២០២១ ហើយក្រុមគ្រូពេទ្យបានអនុញ្ញាតឱ្យចេញពីមន្ទីរពេទ្យបង្អែកខេត្ត ត្រឡប់ទៅលំនៅឋានវិញ ដោយត្រូវបន្តការធ្វើចត្តាឡីស័ករយៈពេល១៤ថ្ងៃ មានដូចខាងក្រោម៖
១- ឈ្មោះ ថោង សុជាតិ ភេទប្រុស អាយុ៣៨ឆ្នាំ អាសយដ្ឋាននៅភូមិកសិកម្ម សង្កាត់ស្រង៉ែ ក្រុងសៀមរាប ដែលវិជ្ជមានជំងឺកូវីដ-១៩ កាលពីថ្ងៃទី០៦ ខែឧសភា ឆ្នាំ២០២១។
២- ឈ្មោះ សន ណារី ភេទស្រី អាយុ៣៤ឆ្នាំ អាសយដ្ឋាននៅភូមិគោកដូង សង្កាត់ទឹកវិល ក្រុងសៀមរាប ដែលវិជ្ជមានជំងឺកូវីដ-១៩ កាលពីថ្ងៃទី០៩ ខែឧសភា ឆ្នាំ២០២១។
សូមបញ្ជាក់ថា គិតមកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន១១៨នាក់ បានព្យាបាលជាសះ-ស្បើយចំនួន៦១នាក់ ស្លាប់២នាក់ និង៥៤នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប។
