អ្នកជំនាញ ផ្នែកវេជ្ជសាស្រ្ត ព្រមានអ្នកគាំទ្រ អាល្លឺម៉ង់ អឺរ៉ូ ២០២០ មិនឱ្យ ធ្វើដំណើរ ទៅអង់គ្លេស ដោយសារតែ..

អ្នកគាំទ្របាល់ទាត់អាឡឺម៉ង់ ត្រូវបានគេព្រមានមិនឱ្យព្យាយាមធ្វើដំណើរទៅកាន់ទីក្រុង Wembley សម្រាប់ការប្រកួតយូរ៉ូ ២០២០ ចុងក្រោយ នៅថ្ងៃអង្គារ ប្រកួតជាមួយ ប្រទេសអង់គ្លេស ដោយមន្រ្តីជាន់ខ្ពស់នៃ សមាគមវេជ្ជសាស្ត្រពិភពលោក ដោយសារតែការរីករាលដាលខ្លាំង នៃវីរុស Covid-19 បំឡែងប្រភេទថ្មី ។ នេះបើតាមការផ្សាយរបស់ AFP ។

លទ្ធផលស្មើ ២-២ របស់ក្រុមជម្រើសជាតិអាឡឺម៉ង់ ជាមួយនឹងក្រុម ហុងគ្រីបាន ធ្វើឲ្យ ពួកគេឈានទៅវគ្គបន្តដែលពួកគេ ជួបក្រុមអង់គ្លេសនៅពហុកីឡដ្ឋាន Wembley ទីក្រុងឡុងដ៏។

ដោយសារតែការរឹតត្បិតការធ្វើដំណើរ អ្នកណាម្នាក់ដែលវិលត្រឡប់មកពីចក្រភពអង់គ្លេស ត្រូវឆ្លងកាត់ការដាច់រយៈពេលពីរសប្តាហ៍ហើយជនជាតិអាឡឺម៉ង់ត្រូវបានគេព្រមានថា វាមិនមានតម្លៃទេ សម្រាប់ការទៅទស្សនា ដោយផ្ទាល់នោះ ។

លោក Frank Ulrich Montgomery ប្រធានសមាគមន៍វេជ្ជសាស្ត្រពិភពលោក បានមានប្រសាសន៍ថា“ សូម្បីតែអ្នកដែលទទួលថ្នាំបង្ការដែលអនុវត្ត តាមវិធាននៃគម្លាតសង្គម និងធ្វើដំណើរទៅកាន់ពហុកីឡាដ្ឋាន (Wembley) កំពុងតែទទួលយកហានិភ័យ ដែលមានកំណត់” ។ ជាទូទៅ នៅចក្រភពអង់គ្លេស មានហានិភ័យនៃការឆ្លង។