គុយបាអនុញ្ញាតិ ឲ្យមានការប្រើប្រាស់ វ៉ាក់សាំង ក្នុងស្រុកក្នុងកម្រិតបន្ទាន់

បរទេស៖មជ្ឍមណ្ឌលគ្រប់គ្រងឱសថ របស់ប្រទេសគុយបានៅថ្ងៃសៅរ៍នេះ បានប្រកាសថានឹងអនុញ្ញាតិឲ្យវ៉ាក់សាំងដែលផលិត ក្នុងស្រុកមួយរបស់ខ្លួន អាចត្រូវបានប្រើប្រាស់ក្នុងកម្រិតបន្ទាន់។

វ៉ាក់សាំង Abdala ត្រូវបានគេស្គាល់ថាជាវ៉ាក់សាំង ក្នុងស្រុកមួយក្នុងចំណោមវ៉ាក់សាំង ក្នុងស្រុកសរុបចំនួន៥ដែលកំពុងត្រូវបាន អភិវឌ្ឍនិងស្រាវជ្រាវដោយ ក្រុមអ្នកវិទ្យាសាស្ត្រជនជាតិ គុយបាផ្ទាល់តែម្តង។

គណកម្មការបានប្រកាសថាខ្លួន បានផ្តល់សិទ្ធរួចរាល់ហើយទៅឲ្យ Abdala ដើម្បីអាចចែកចាយទៅតាមតំរូវការ ដែលកំពុងមាននៅ ពេលបច្ចុប្បន្ន។

តាមការបញ្ជាក់ដោយក្រុមអ្នកវិទ្យាសាស្ត្រ ដែលជាអ្នកផលិតបានបញ្ជាក់ថាវ៉ាក់សាំងនេះ ត្រូវបានផលិតដោយមជ្ឈមណ្ឌល CIGB ហើយប្រសិទ្ធភាព របស់វាមានកម្រិតដល់ទៅ ៩២,២៨ភាគរយ ហើយទាមទារឲ្យមានការចាក់វ៉ាក់សាំងនេះ ចំនួន៣ដងក្នុងចន្លោះពេល១៤ថ្ងៃ៕ ប្រែសម្រួល៖ស៊ុនលី

Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999