ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានបញ្ជាក់នៅព្រឹកថ្ងៃទី១ ខែ សីហា នេះ ថា ការចាក់វ៉ាក់សាំងបង្ការជំងឺកូវីដ-១៩ ជូនកុមារ និងយុវវ័យ ចាប់ពីអាយុ ១២ ឆ្នាំ ដល់ ក្រោមអាយុ ១៨ ឆ្នាំនេះ មិនមែនជាការសម្រេចចិត្ត ដោយចៃដន្យទេ គឺយើងបានគិតគូរច្បាស់លាស់ណាស់ ហើយការចាក់វ៉ាក់ សាំងជូនកុមារ និងយុវវ័យនេះជាជំហានទីមួយដើម្បីឈាន ទៅបើកសាលានាពេលខាងមុខ ដោយចាប់ផ្តើមបើកសាលា ចាប់ពីអនុវិទ្យាល័យឡើងទៅ។
