ខេត្តព្រៃវែង បន្តរកឃើញករណីឆ្លងជំងឺកូវីដ១៩ ចំនួន៤៤នាក់ថ្មី និងជាសះស្បើយ៦៣នាក់

ភ្នំពេញ៖ រដ្ឋបាលខេត្តព្រៃវែង បានចេញសេចក្ដីប្រកាសព័ត៌មាន ស្ដីពីការរកឃើញ ករណីអ្នកវិជ្ជមានកូវីដ-១៩ ចំនួន៤៤នាក់ថ្មី ខណៈមានករណីជាសះស្បើយចំនួន ៦៣នាក់ នៅមូលដ្ឋានក្នុងក្រុង/ស្រុកចំនួន៩ និងមកពីខេត្តតាកែវ នៅថ្ងៃទី១៩ ខែសីហា ឆ្នាំ២០២១។

បច្ចុប្បន្ន អ្នកវិជ្ជមានជំងឺកូវីដ-១៩ ទាំង ៤៤នាក់ ខាងលើ កំពុងសម្រាកព្យាបាល នៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុកនីមួយៗ។

សូមបញ្ជាក់ថា គិតត្រឹមថ្ងៃទី១៩ ខែសីហា ឆ្នាំ២០២១នេះ ខេត្តព្រៃវែង រកឃើញអ្នកឆ្លងជំងឺកូវីដ១៩ សរុបចំនួន៥,៤៣១នាក់ ក្នុងនោះបានព្យាបាលជាសះស្បើយ ៤,៧៧១នាក់ និងកំពូងសម្រាកព្យាបាល ៥៥៨នាក់ ស្លាប់១០២នាក់ ៕