ភ្នំពេញ៖ ស្ថានទូតអាមេរិក ប្រចាំកម្ពុជា បានសម្តែងការអបអរសាទរ ខួបទី៨៩ អធិរាជសំឡេងមាស ស៊ីន ស៊ីសាមុត មានមោទនភាព សូមបង្ហាញការការច្រៀង ឡើងវិញ ដោយចៅស្រី របស់លោក គឺកញ្ញា ស៊ីន សេដ្ឋសុជ្ឈតា នៃចម្រៀង ដ៏ល្បី របស់លោកមួយបទ ដែលចំណងជើងថា «ស្នេហ៍បាត់សម្រស់» ។
ស្ថានទូតអាមេរិក បានឱ្យដឹងថា ថ្ងៃទី២៣ ខែសីហា ជាថ្ងៃគម្រប់ខួបទី៨៩ របស់អធិរាជសំឡេងមាស ស៊ីន ស៊ីសាមុត។ ស្ថានទូត បានបញ្ជាក់ផងដែរថា វាជាចម្រៀង ឆ្លើយឆ្លង មិនធ្លាប់មានមួយរវាង លោក ស៊ីន ស៊ីសាមុត និង កញ្ញា ស៊ីន សេដ្ឋសុជ្ឈតា ដែលជាចៅស្រីបង្កើតរបស់គាត់។ ចម្រៀងធ្វើឡើងវិញ ថ្មីមួយនេះ ត្រូវបានផលិត និងកែសម្រួលដោយ Minor Act ក្នុងកិច្ចសហការជាមួយ Phare Ponleu Selpak សម្រាប់ខ្សែភាពយន្ត «ចម្រៀងឥតព្រាងទុក» ដែលនឹងចាក់បញ្ចាំង ក្នុងពេលឆាប់ៗនេះ និងចម្រៀងដែលមានតម្លៃ ជានិរន្តរបស់លោក ស៊ីន ស៊ីសាមុត។
ការផលិតឡើងវិញ នូវបទ «ស្នេហ៍បាត់សម្រស់» ទទួលបានការឧបត្ថម្ភថវិកា ដោយផ្នែកកិច្ចការសាធារណៈ របស់ស្ថានទូតអាមេរិក។
