ភ្នំពេញ៖ កូរ៉េ ជាប់ចំណាត់ថ្នាក់ទី ២ ការវិនិយោគសរុប ជាមួយក្រុមហ៊ុន ជាង២០០ នៅកម្ពុជា ក្នុងចំណោមប្រទេសទាំងអស់ កំពុងធ្វើអាជីវកម្ម យ៉ាងសកម្ម នៅក្នុង ឧស្សាហកម្មសំខាន់ៗ របស់ប្រទេសកម្ពុជា ដូចជា ការផលិតសម្លៀកបំពាក់ វិស័យកសិកម្ម និងហិរញ្ញវត្ថុ។ នេះបើតាម ការលើកឡើងរបស់ លោក Park Heung-kyeong ឯគអគ្គរដ្ឋទូតសាធារណរដ្ឋកូរ៉េ ប្រចាំកម្ពុជា។
ថ្លែងនៅក្នុងកម្មវិធីបុណ្យជាតិកូរ៉េ នាថ្ងៃទី១ ខែតុលា ឆ្នាំ២០២១ លោក Park Heung-kyeong បានលើកឡើងបន្ថែមថា បើនិយាយពីការវិនិយោគសរុប នៅកម្ពុជាកូរ៉េ ជាប់ចំណាត់ថ្នាក់ទី ២ ក្នុងចំណោមប្រទេសទាំងអស់។ ក្រុមហ៊ុនកូរ៉េជាង ២០០ កំពុងធ្វើអាជីវកម្មយ៉ាងសកម្ម នៅក្នុងឧស្សាហកម្មសំខាន់ៗរបស់ប្រទេសកម្ពុជា ដូចជាការផលិតសម្លៀកបំពាក់វិស័យកសិកម្ម និងហិរញ្ញវត្ថុ។
លោកទូតបន្ថែមថា ឆ្នាំនេះ គឺជាខួបលើកទី ២៤ នៃការបង្កើតទំនាក់ទំនង ការទូតទ្វេភាគីឡើងវិញ រវាងសាធារណរដ្ឋកូរ៉េ និង ព្រះរាជាណាចក្រកម្ពុជា។ “ក្នុងរយៈពេលខ្លីមួយ យើងបានឃើញ ការពង្រឹងយ៉ាងឆាប់រហ័ស នៃទំនាក់ទំនងទ្វេភាគី និង សម្រេចបាននូវសមិទ្ធផល គួរឱ្យកត់សម្គាល់ នៅក្នុងវិស័យ សហប្រតិបត្តិការផ្សេងៗ”។
លោកទូត បានរម្លឹកឡើងវិញផងដែរថា តាមរយៈដំណើរទស្សនកិច្ចទៅវិញទៅមក របស់លោក មូន ចេអ៊ីន ប្រធានាធិបតីនៃសាធារណរដ្ឋកូរ៉េ និង សម្តេចតេជោ នាយករដ្ឋមន្រ្តី ហ៊ុន សែន នៅឆ្នាំ ២០១៩ និង ២០២០ ប្រទេសយើងទាំងពីរ បានបញ្ជាក់ពីការប្តេជ្ញាមិនផ្លាស់ប្តូរ ក្នុងការអភិវឌ្ឈ ទំនាក់ទំនងទ្វេភាគី ចាប់តាំងពីឆ្នាំ ១៩៩៧ ទំហំពាណិជ្ជកម្មទ្វេភាគី បានកើនឡើង ១៩ ដងពី ៥៤ លានដុល្លារដល់ ១ ពាន់លានដុល្លារ ក្នុងឆ្នាំ ២០១៩ ហើយការផ្លាស់ប្តូរ រវាងប្រជាជននិងប្រជាជន បានកើនឡើងរហូតដល់ ៣២០ ដងពី ១៤០០ ទៅ ៤៥០.០០០ នៅឆ្នាំ ២០១៣ ។
ប្រទេសកម្ពុជាគឺជាប្រភពជំនួយ ODA ដ៏សំខាន់និង ជាដៃគូសហប្រតិបត្តិការ អភិវឌ្ឈធំ ទីពីរ សម្រាប់ប្រទេសកូរ៉េ។ ចាប់តាំងពីឆ្នាំ ១៩៨៩ ប្រទេសកូរ៉េ បានគាំទ្រ ការអភិវឌ្ន៍វិស័យ ថែទាំសុខភាព ហេដ្ឋារចនាសម្ព័ន្ធកសិកម្ម នៅតំបន់ជនបទ ក្នុងប្រទេសកម្ពុជា តាមរយៈគម្រោង ODA ផ្សេងៗដែលមានតម្លៃប្រមាណ ៩១៦ លានដុល្លារ។ លើសពីនេះ ប្រទេសកូរ៉េ ប្តេជ្ញា បន្តពង្រីកការគាំទ្ររបស់ខ្លួន តាមគោលនយោបាយថ្មី របស់កូរ៉េខាងត្បូង ដែលបានប្រកាស នៅឆ្នាំ ២០១៧ ។
ទាក់ទងនឹងការផ្លាស់ប្តូរ រវាងប្រជាជននិង ប្រជាជន ការតំណាងឱ្យពលករកម្ពុជា នៅក្នុងវិស័យសេដ្ឋកិច្ចកូរ៉េ បង្ហាញពីឧទាហរណ៍មួយ នៃការរួមគ្នារុងរឿង សម្រាប់ប្រទេសយើងទាំងពីរ។ បច្ចុប្បន្នពលករខ្មែរប្រមាណ ៤៣.០០០ នាក់កំពុងរស់នៅ និងធ្វើការនៅប្រទេសកូរ៉េ ដោយគាំទ្រដល់វិស័យផលិតកម្ម និងឧស្សាហកម្ម កសិកម្មរបស់ខ្លួន។ ជាលទ្ធផលកម្មករភ្ញៀវទាំងនេះ ផ្ញើប្រាក់ត្រឡប់មកផ្ទះវិញ ដែលរួមចំណែកដល់ការអភិវឌ្ឈ សេដ្ឋកិច្ចនៃ ប្រទេសកំណើតរបស់ពួកគេ។
