ពិព័រណ៍នាំចូលចិន អន្តរជាតិបានដាក់បញ្ចូល កម្លាំងចលករថ្មីសម្រាប់កិច្ចសហប្រតិបត្តិការ សេដ្ឋកិច្ចនិងពាណិជ្ជកម្មរវាងប្រទេសចិននិងកម្ពុជា ពិព័រណ៍នាំចូលចិន អន្តរជាតិលើកទី៤បានសម្ពោធបើក នៅទីក្រុងសៀងហៃនៅថ្ងៃទី៤ ខែវិច្ឆិកា។
ពិព័រណ៍នាំចូលចិនអន្តរជាតិ មិនត្រឹមតែត្រូវរៀបចំធ្វើជារៀងរាល់ឆ្នាំប៉ុណ្ណោះទេ ថែមទាំងត្រូវរៀបចំធ្វើដោយកម្រិតខ្ពស់ មានប្រសិទ្ធភាពនិងកាន់តែល្អប្រសើរឡើង។លោកXiJinpingប្រធានរដ្ឋចិនបានសន្យាបែបនេះនៅក្នុងពិធីសម្ពោធបើកពិព័រណ៍នាំចូលចិនអន្តរជាតិលើកទី១។
ចាប់ពីឆ្នាំ២០១៨មក ប្រទេសចិនបានរៀបចំធ្វើពិព័រណ៍នាំចូលចិនអន្តរជាតិជារៀងរាល់ឆ្នាំ ដើម្បីបង្កើតវេទិកាផ្លាស់ប្តូរសម្រាប់ការបង្ហាញពីសមិទ្ធផលជាផ្លែផ្កានៃការអភិវឌ្ឍនិងការធ្វើកិច្ចសហប្រតិបត្តិការពាណិជ្ជកម្មអន្តរជាតិ បានបន្ថែមកាលានុវត្តភាពនិងកម្លាំងចលករថ្មីសម្រាប់កិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងប្រទេសចិននិងកម្ពុជាឱ្យកាន់តែជិតស្និទ្ធផងដែរ។
ខែវិច្ឆិកា ឆ្នាំ២០១៨ ពិព័រណ៍នាំចូលចិនអន្តរជាតិលើកទី១បានបើកធ្វើដោយជោគជ័យនៅទីក្រុងសៀងហៃ ដែលទទួលបានការចាប់អារម្មារណ៍យ៉ាងខ្លាំងពីប្រទេសនានា។ លោកប៉ានសូរស័ក្តិរដ្ឋមន្ត្រីក្រសួងពាណិជ្ជកម្មកម្ពុជា បានដឹកនាំគណៈប្រតិភូរដ្ឋាភិបាលកម្ពុជានិងសហគ្រាសចំនួន១៣ ដើម្បីចូលរួមពិព័រណ៍លើកនេះ។ នៅក្នុងពិព័រណ៍លើកនេះ កម្ពុជាបានដាក់តាំងបង្ហាញផលិតផលពិសេស របស់កម្ពុជាជាច្រើនប្រភេទដូចជា អង្ករ គ្រាប់ស្វាយចន្ទី ម្រេច ស្ករត្នោតជាដើម ព្រមទាំងមានការធ្វើបទបង្ហាញ ពីព័ត៌មានទេសចរណ៍និងវិនិយោគនៅកម្ពុជា និងកិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងប្រទេសចិននិងកម្ពុជាជាដើម។
កម្ពុជាគឺជាប្រទេសមួយក្នុងចំណោមប្រទេសកិត្តិយសនៅពិព័រណ៍នាំចូលចិនអន្តរជាតិលើក២ ឆ្នាំ២០១៩ កម្ពុជាបានចូលរួមពិព័រណ៍ជាតិនិងពិព័រណ៍សហគ្រាសដោយតាំងបង្ហាញផលិតផលពិសេសរបស់កម្ពុជាទៅកាន់អ្នកបញ្ជាទិញនិងទស្សនិកជនមកពីពិភពលោកទាំងមូល។បន្ទាប់ពីចូលរួមក្នុងពិព័រណ៍នាំចូលចិនអន្តរជាតិលើកដំបូង ការនាំចេញអង្កររបស់កម្ពុជាទៅកាន់ប្រទេសចិនបានកើនឡើងយ៉ាងលេចធ្លោ ហើយប្រទេសចិនបានក្លាយជាទីផ្សារធំបំផុតសម្រាប់ការនាំចេញអង្កររបស់កម្ពុជា។
ការរីករាលដាលនៃជំងឺកូវីដ១៩បានប៉ះពាល់យ៉ាងខ្លាំងដល់សេដ្ឋកិច្ចពិភពលោក ពិព័រណ៍អន្តរជាតិខ្នាតធំជាច្រើនបានត្រូវលុបចោលឬពន្យារពេល សកម្មភាពពាណិជ្ជកម្មរបស់សហគ្រាសឆ្លងដែនរងឥទ្ធិពលយ៉ាងធ្ងន់ធ្ងរ។ក្នុងបរិបទនេះ ពិព័រណ៍នាំចូលចិនអន្តរជាតិបានបើកធ្វើតាមពេលកំណត់ នេះបានបង្ហាញពីសមិទ្ធផលសំខាន់របស់ប្រទេសចិនក្នុងការបង្ការនិងគ្រប់គ្រងជំងឺកូវីដ១៩និងការអភិវឌ្ឍសេដ្ឋកិច្ចសង្គម ហើយបន្ថែមទំនុកចិត្តដល់មជ្ឈដ្ឋានពាណិជ្ជកម្មពិភពលោក។
ពេលផ្តល់បទសម្ភាសន៍ជាមួយអ្នកសារព័ត៌មាន ឥស្សរជនកម្ពុជាបានថ្លែងថា ពិព័រណ៍នាំចូលចិនអន្តរជាតិលើកទី៣ដែលបានរៀបចំនៅទីក្រុងសៀងហៃបានបង្ហាញថា ប្រទេសចិនបានជំរុញដោយរឹងមាំនូវការធ្វើសកលភាវូបនីយកម្មសេដ្ឋកិច្ចនិងការបើកចំហទីផ្សារចំពោះពិភពលោក ពិព័រណ៍នាំចូលចិនអន្តរជាតិបានដើរតួនាទីសំខាន់សម្រាប់ជំរុញការនាំចេញផលិតផលរបស់កម្ពុជា៕
