បរទេស៖ ក្រុមហ៊ុន Vietnam Airlines គ្រោងនឹងលក់ផែនការចំនួន ១៥គ្រឿង នៅខែនេះ និង ១២គ្រឿង ផ្សេងទៀតក្នុងរយៈពេល ២ឆ្នាំខាងមុខ , នេះបើតាមនាយកប្រតិបត្តិរបស់ក្រុមហ៊ុនេះ បាននិយាយថា។
យោងតាមសារព័ត៌មាន VN Express ចេញផ្សាយនៅថ្ងៃទី១៥ ខែធ្នូ ឆ្នាំ២០២១ បានឱ្យដឹងថា នាយកប្រតិបត្តិរបស់ក្រុមហ៊ុនអាកាសចរណ៍ Vietnam លោក Le Hong Ha បានប្រាប់អង្គប្រជុំវិសាមញ្ញនៃម្ចាស់ភាគហ៊ុន កាលពីថ្ងៃអង្គារថា “ក្រុមហ៊ុនអាកាសចរណ៍ Vietnam មានគម្រោងលក់យន្តហោះ A321 ចំនួន ៩ គ្រឿង និង ATR-72 ចំនួន ៦ គ្រឿងក្នុងខែធ្នូ។ ចាប់ពីឆ្នាំ ២០២២ ដល់ចុងឆ្នាំ ២០២៣ លើសពីនេះ គឺ យន្តហោះ A321 ចំនួន ១២ គ្រឿងបន្ថែមនឹងត្រូវលក់” ។
លោកបានពន្យល់ថា ផែនការនេះមានគោលបំណងកាត់បន្ថយចំនួនយន្តហោះដែលក្រុមហ៊ុនកាន់កាប់នាពេលបច្ចុប្បន្ន និងបង្កើនល្បឿនទំនើបកម្មយន្តហោះរបស់ខ្លួន ដោយជំនួសយន្តហោះដែលមានអាយុលើសពី ១២ ឆ្នាំ ចេញ ដោយលោកបានព្យាករណ៍ថា នឹងនៅតែមានអតិរេក (ចំនួនលើស) យន្តហោះនៅឆ្នាំ ២០២៥។
ក្រុមហ៊ុន Vietnam Airlines ត្រូវបានប៉ាន់ប្រមាណថា នឹងមានយន្តហោះធំ ៨គ្រឿង និង យន្តហោះ តួតូចចំនួន ២២គ្រឿង នៅឆ្នាំក្រោយ។ បច្ចុប្បន្នវាមានយន្តហោះចំនួន ១០៦គ្រឿងក្នុងនោះមានយន្តហោះតួធំទូលាយចំនួន ២៩ និងយន្តហោះ ATR-72 ចំនួន ៧ គ្រឿង។ ក្រុមហ៊ុនបានលក់យន្តហោះ A321 ចំនួនពីរគ្រឿង ក្នុងរយៈពេលប្រាំខែចុងក្រោយនេះ។
ជាមួយនឹងឧស្សាហកម្មអាកាសចរណ៍ស៊ីវិលដែលរងផលប៉ះពាល់យ៉ាងខ្លាំងដោយ Covid-19 ក្រុមហ៊ុនអាកាសចរណ៍វៀតណាម បានដកកៅអីចេញពីយន្តហោះដឹកអ្នកដំណើរដែលមានតួធំទូលាយចំនួន ៨គ្រឿង និងយន្តហោះ A321 ចំនួន៧គ្រឿង ដើម្បីប្រើប្រាស់ជាយន្តហោះដឹកទំនិញវិញម្តង៕ ប្រែសម្រួលៈ ណៃ តុលា
