នាយករដ្ឋមន្រ្តីកម្ពុជា បញ្ជាមិនឱ្យអ្នកឆ្លងជំងឺកូវីដ១៩ បំប្លែងថ្មីអូមីក្រុង ព្យាបាលនៅតាមផ្ទះ

ភ្នំពេញ៖ក្នុងពិធីប្រគល់ប្រាក់រង្វាន់របស់រាជរដ្ឋាភិបាល ជូនកីឡាការិនី អ៊ុក ស្រីមុំ ក្រោយដណ្តើមបានមេដាយមាសពិភពលោកពីការប្រកួតកីឡាប៉េតង់ នៅប្រទេសអេស្ប៉ាញ នៅថ្ងៃទី៥ ខែមករា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានចេញបទបញ្ជាមិនអនុញ្ញាតឱ្យអ្នកឆ្លងជំងឺកូវីដ១៩បំប្លែងថ្មីប្រភេទអូមីក្រុង សម្រាកព្យាបាលនៅតាមផ្ទះឡើយ ដើម្បីទប់ស្កាត់កុំឱ្យឆ្លងរីករាលដាលចូលក្នុងសហគមន៍។