ភ្នំពេញ៖ ដើម្បីជួយសម្រួល ដល់ការធ្វើដំណើររបស់បងប្អូនប្រជាពលរដ្ឋ ឆ្លងកាត់ស្ពានព្រះមុនីវង្ស ដែលតែងតែជួបប្រទះនូវការកកស្ទះចរាចរណ៍ជាញឹកញាប់ និងដោយសារតែស្ពានកោះពេជ្រ ទៅកោះនរា កំពុងតែដំណើរការសាងសង់នោះ រដ្ឋបាលរាជធានីភ្នំពេញ បានអនុញ្ញាតជូនក្រុមហ៊ុន យានចម្លងអរិយក្សត្រ អាន សំអន ឯ.ក ធ្វើអាជីវកម្ម សាឡាងចម្លងអ្នកដំណើរ រួមទាំងមធ្យោបាយយានយន្តគ្រប់ប្រភេទ ឆ្លងកាត់ទន្លេបាសាក់បណ្ដោះអាសន្ន ចាប់ពីថ្ងៃទី២១ ខែកុម្ភៈ ឆ្នាំ២០២២នេះតទៅដោយចាប់ផ្ដើមពីម៉ោង៦នាទីព្រឹក ដល់ម៉ោង១៩នាទីយប់ជារៀងរាល់ថ្ងៃ ។
អាស្រ័យដូចបានជម្រាបជូនខាងលើ រដ្ឋបាលរាជធានី ក៏បានសំណូមពរ ឲ្យអូនប្រជាពលរដ្ឋចូលរួម ធ្វើដំណើរតាមសាឡាងចម្លងនេះ បន្ថយការកកស្ទះចរាចរណ៍លើដងស្ពានព្រះមុនីវង្សផងដែរ៕
