ភ្នំពេញ ៖នាវាកងកម្លាំងស្វ័យការពារជើងទឹកជប៉ុន នឹងធ្វើទស្សនកិច្ចនៅប្រទេសកម្ពុជាជាលើកដំបូង ចាប់ផ្តើមពីថ្ងៃទី១៥ ដល់១៧ ខែមីនា ក្រោយ ខកខាន រយៈពេល ៣ឆ្នាំ ។
ស្ថានទូត ជប៉ុន ប្រចាំ កម្ពុជា បានគូសបញ្ជាក់តាម គេហទំព័រ ហ្វេសប៊ុក ថាឆ្នាំនេះកត់សំគាល់នូវខួបលើកទី៣០ នៃការបញ្ជូនកងរក្សាសន្តិភាពរបស់ប្រទេសជប៉ុន មកបំពេញបេសកកម្មនៅកម្ពុជា ដែលនោះជាការបញ្ជូនកងរក្សាសន្តិភាពរបស់ជប៉ុន ចេញក្រៅប្រទេសជាលើកដំបូងបំផុត។ យើងសង្ឃឹមថា ក្នុងឆ្នាំខួបអនុស្សាវរីយ៍នេះ យើងនឹងបន្តអភិវឌ្ឍនូវទំនាក់ទំនងក្នុងវិស័យសហប្រតិបត្តិការការពារជាតិរវាងប្រទេសទាំងពីរ។
