បរទេស៖ សំណើរបស់រុស្ស៊ី ទៅកាន់ប្រទេសចិន សម្រាប់ជំនួយផ្នែកយោធា និងហិរញ្ញវត្ថុ ចំពេលដែលការវាយលុករបស់ខ្លួន លើអ៊ុយក្រែន ហើយបើតាមសេចក្តីរាយការណ៍ សំណើនោះក៏បានរួមបញ្ចូលអាហារ សម្រាប់បុគ្គលិករបស់ខ្លួនផងដែរ ដោយបង្ហាញពីបញ្ហាលើផែនការ ដែលយោធារបស់លោក វ្ល៉ាឌីមៀ ពូទីន កំពុងប្រឈមមុខ។
យោងតាមសារព័ត៌មាន INDEPENDENT ចេញផ្សាយនៅរសៀលថ្ងៃទី១៥ ខែមីនា ឆ្នាំ២០២ បានឱ្យដឹងថា រុស្ស៊ីបានស្នើឱ្យចិន ជួយជាសព្វាវុធ ព្រមទាំងកញ្ចប់ស្បៀងយោធា ។
សូមជម្រាបថា ពាក់ព័ន្ធនឹងសំណើថា រុស្ស៊ីបានស្នើឱ្យចិនជួយនេះដែរ ត្រូវបានក្រសួងការបរទេសចិន ចេញមុខចោទទៅមន្ត្រីសហរដ្ឋអាមេរិកថា បានផ្សព្វផ្សាយព័ត៌មានមិនពិតនេះ ដោយមានចេតនាអាក្រក់។
អ្នកនាំពាក្យក្រសួងការបរទេសចិន លោក Zhao Lijian បាននិយាយកាលពីថ្ងៃចន្ទ ដោយឆ្លើយនឹងសំណួររបស់អ្នកកាសែតបរទេស អំពីថាតើប្រទេសចិន នឹងផ្តល់ជំនួយដល់ប្រទេសរុស្ស៊ី ដោយអាវុធដែរឬទេថា “សហរដ្ឋអាមេរិក បាននិងកំពុងផ្សព្វផ្សាយព័ត៌មានមិនពិត ប្រឆាំងនឹងប្រទេសចិន អំពីបញ្ហាអ៊ុយក្រែន នាពេលថ្មីៗនេះ ដោយមានចេតនាអាក្រក់” ៕ ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
