ភ្នំពេញ ៖ ចៅក្រមស៊ើបសួរ សាលាដំបូងខេត្តព្រៃវែង កាលពីថ្ងៃទី ២៧ ខែ មីនា ឆ្នាំ ២០២២ បានបង្គាប់ឲ្យឃុំខ្លួន បុរសជនត្រូវចោទម្នាក់ ដែល ជាអតីនាយប៉ុស្តិ៍នគរបាលព្ព្នៅ១ និង បញ្ជូនខ្លួន គាត់ទៅឃុំខ្លួន ជាបណ្តោះអាសន្ន នៅក្នុងពន្ធនាគារ ដើម្បីរង់ចាំ ចាត់ការ តាមផ្លូវច្បាប់ ជាប់ពាក់ព័ន្ធនឹង ឃាតកម្ម ដោយ ដកកំាភ្លើងខ្លី បាញ់សម្លាប់ ប្រពន្ធចុង ចំនួន៤ គ្រាប់ បណ្តាលអោយស្លាប់នៅនឹងកន្លែង ដោយសារជម្លោះពាក្យសម្តី និង ខឹងនឹងនាង សុំចែកផ្លូវគ្នា ប្រព្រឹត្ត នៅចំណុចលើផ្លូវលំ មុខវត្តផាត់សណ្តោង ស្ថិតក្នុងភូមិផាត់សណ្តោង ឃុំព្នៅទី១ ស្រុកស៊ីធកណ្តាល ខេត្តព្រៃវែង ។
យោងតាមដីការបស់តុលាការ បានអោយដឹងថា ជនត្រូវចោទរូបនេះមាន ឈ្មោះ ម៉ៅ សុវណ្ណហុង ភេទប្រុស អាយុ៥៣ឆ្នាំ( ត្រូវជាប្តី ) មុខរបរមុនឃាត់ខ្លួន គឺ
ជា នាយប៉ុស្តិ៍នគរបាល រដ្ឋបាលព្នៅទី១។
ចំណែកឯជនរងគ្រោះឈ្មោះ សុខ មួយ ភេទស្រី អាយុ៥១ឆ្នាំ( ត្រូវជាប្រពន្ធចុង ) មុខរបរធ្វើស្រែ។
ពួកគេទាំង២នាក់ មានទីលំនៅ រស់នៅភូមិព្នៅ ឃុំព្នៅទី១ ស្រុកស៊ីធរកណ្តាល ខេត្តព្រៃវែង ជាមួយគ្នា ។
ជនត្រូវចោទ ត្រូវបានតំណាងអយ្យការ
ចោទប្រកាន់ពីបទ: ឃាតកម្ម និង ប្រើប្រាស់អាវុធខុសច្បាប់ តាមបញ្ញត្តិមាត្រា ១៩៩ និង ៤៩០ នៃ ក្រមព្រហ្មទណ្ឌ ។
ជនត្រូវចោទ ត្រូវបានសមត្ថកិច្ចចាប់ខ្លួន កាលពីថ្ងៃទី ២៤ ខែ មីនា ឆ្នាំ ២០២២ នៅភូមិផាត់សណ្តោង ឃុំព្នៅទី១ ស្រុកស៊ីធកណ្តាល ខេត្តព្រៃវែង៕ ដោយ: លីហ្សា
