ភ្នំពេញ: សមាជិក គណៈអចិន្ត្រៃយ៍ នៃគណៈកម្មាធិការកណ្តាល និងជាប្រធានយុវជន គណបក្ស ប្រជាជនកម្ពុជា ថ្នាក់កណ្តាល ថ្លែងក្នុងពិធីសំណេះ សំណាល ជាមួយថ្នាក់ដឹកនាំ និងសកម្មជនយុវជនគណបក្ស ប្រជាជនកម្ពុជា រាជធានីភ្នំពេញ នាថ្ងៃទី០៩ ខែមេសា ឆ្នាំ២០២២។
![](https://dap-news.com/wp-content/uploads/2022/04/photo_2022-04-09_15-50-27-1-1024x682.jpg)
លោក សូមអរគុណ ដល់ថ្នាក់ដឹកនាំ និងសកម្មជនយុវជន ក្នុងរចនាសម្ព័ន្ធអង្គការចាត់ តាំងគណបក្សប្រជាជនកម្ពុជា គ្រប់ជាន់ថ្នាក់ នៅមូលដ្ឋាន រាជធានីភ្នំពេញ ដែលបានខិតខំប្រឹងប្រែងបំពេញ ភារកិច្ចបម្រើប្រជាពលរដ្ឋ យ៉ាងសស្រាក់សស្រាំ បានជាប់ជាប្រចាំ និងគ្រប់កាលៈទេសៈក្នុងធ្លុង មហាសាមគ្គី និងលើមាគ៌ានយោបាយឥតងាក រេរបស់គណបក្ស គឺការបម្រើប្រជាពលរដ្ឋ ឱ្យកាន់តែល្អ និងអភិវឌ្ឍប្រទេសជាតិ ឱ្យកាន់តែរីកចម្រើន។ ក្នុងន័យនេះ ការចូលរួមអនុវត្តការងាររបស់មន្ត្រីបក្សនៅមូលដ្ឋាន គឺជាកត្តាកំណត់មួយ នៃជោគជ័យរបស់គណបក្សទាំងក្នុងរយៈកាលកន្លងមក ក៏ដូចជាដើម្បីឈានទៅរក្សាប្រៀបឈ្នះនៅក្នុងគ្រប់ការបោះឆ្នោតបន្តទៅមុខទៀត។
![](https://dap-news.com/wp-content/uploads/2022/04/photo_2022-04-09_15-50-35-1-1024x682.jpg)
លោក បានរំលេចថា អ្វីដែលសំខាន់បំផុត សម្រាប់យុវជនកម្ពុជា ក៏ដូចជាយុវជនប្រទេសផ្សេងៗ គឺការធានានូវផែនការ អនាគតមួយ ប្រកបដោយក្តីសង្ឃឹម ក្តីស្រម៉ៃ និងលំនឹងស្ថិរភាព ។ យុវភាព ជាដំណាក់កាលមួយ នៃជីវិតដែលពោរពេញ ដោយការសម្រេចចិត្ត និង ការជ្រើសរើស ដោយសេរីលើមូលដ្ឋាន នៃសិទ្ធបុគ្គលដែលខ្លួនមាន ដើម្បីធ្វើយ៉ាងណាអភិវឌ្ឍខ្លួនឈានឆ្ពោះ ទៅរកការសម្រេចក្តីស្រម៉ៃ។ ក្នុងន័យនេះ ដើម្បីឱ្យលទ្ធភាព នៃជោគជ័យនេះ មានលក្ខណៈប្រាកដនិយម គឺចាំបាច់ណាស់ ដែលយុវជនត្រូវធ្វើការសម្រេចចិត្ត ដោយផ្សារភ្ជាប់ក្តីស្រម៉ៃនោះ ទៅនឹងស្ថានភាពជាក់ស្តែង តាមរយៈការពិចារណា ល្អិតល្អន់ស៊ីជម្រៅ អំពីអតីតកាល និងបច្ចុប្បន្នកាល ដើម្បីជ្រើសរើស អនាគតមួយឱ្យបានត្រឹមត្រូវ ចៀសវាងការសម្រេចចិត្តធ្វើអ្វី មួយដែលហួសពីលទ្ធភាព និងសមត្ថភាពពិតរបស់យើង ។
![](https://dap-news.com/wp-content/uploads/2022/04/photo_2022-04-09_15-50-43-1-1024x682.jpg)
លោក ក៏បានស្នើផងដែរថា ត្រូវចងចាំផងដែរថា ការសម្រេចចិត្តរបស់យុវជន មានឥទ្ធិពលសំខាន់ណាស់ លើអនាគតរបស់ប្រទេសជាតិ ហើយអនាគតយុវជនខ្លួនឯង ក៏ត្រូវពឹងផ្អែក នឹងផ្សារភ្ជាប់ទៅនឹងដំណើរការរបស់ប្រទេសជាតិផងដែរ ជាពិសេសការធានា ធ្វើយ៉ាងណារក្សាឱ្យ បាននូវបរិយាកាសអំណោយផលនៃ សន្តិភាព, ស្ថិរភាព និងការទទួលបានឱកាស។ នេះ គឺជាអ្វីដែលគណបក្សយើងឱ្យតម្លៃបំផុត និងពុះពារប្តេជ្ញាថែរក្សាឱ្យបានដាច់ខាតទោះក្នុងតម្លៃណាក៏ដោយ ព្រោះជាស្នាដៃដែលគណបក្សខិតខំស្វែងរក និងសម្រេចបានដោយលំបាកបំផុត។
![](https://dap-news.com/wp-content/uploads/2022/04/photo_2022-04-09_15-50-31-1-1024x680.jpg)
លោក ម៉ាណែត បន្តថា សន្តិភាព៖ សន្តិភាពពេញលេញ ដែលទទួលបានក្រោមជោគជ័យ នៃនយោបាយឈ្នះ-ឈ្នះ គឺជាអ្វីដែលកម្ពុជា មិនធ្លាប់មានក្នុងប្រវត្តិសាស្ត្រជាង ៥០០ ឆ្នាំ ហើយសន្តិភាពនេះ គឺជាមូលដ្ឋាន នៃការសម្រេចបាននូវសមិទ្ធផល ជាតិលើគ្រប់វិស័យ ទាំងផ្នែកនយោបាយ, រដ្ឋបាលសាធារណៈ, សង្គម, សេដ្ឋកិច្ច, ការទូត ។ល។ ជាពិសេស សន្តិភាពផ្លូវកាយ ក៏បានចូលរួមចំណែកផងដែរ នូវការកសាងសន្តិភាពផ្លូវចិត្ត តាមរយៈការធានាបង្កលក្ខណៈគ្រប់បែបយ៉ាងរបស់រាជរដ្ឋាភិបាល ក្នុងការធានាសិទ្ធិសេរីភាពរបស់ប្រជាពលរដ្ឋ, ភាពសុខដុមរមនាផ្នែកជំនឿសាសនា និងការពង្រឹងយុត្តិធម៌សង្គមលើមូលដ្ឋាននៃនីតិរដ្ឋ ដែលជាកត្តាកំណត់នៃភាពកក់ក្តៅរបស់ប្រជាពលរដ្ឋ ក៏ដូចជាការអភិវឌ្ឍរីកចម្រើនរឹងមាំ និងនិរន្តរភាពជាតិ ។
![](https://dap-news.com/wp-content/uploads/2022/04/photo_2022-04-09_15-50-39-1-1024x682.jpg)
លោក លើកឡើងទៀតថា ស្ថិរភាព៖ សំដៅដល់ស្ថិរភាពផ្នែកនយោបាយ និងម៉ាក្រូសេដ្ឋកិច្ច ដែលកម្ពុជាបានស្គាល់រួចមកហើយក្នុងរយៈពេលជាង ២០ ឆ្នាំកន្លងមកនេះ ហើយក៏កំពុងត្រូវបានលើកកម្ពស់បន្ថែមទៀត ស្របនឹងចក្ខុវិស័យសម្រាប់អនាគត។ ដោយឡែក បញ្ហាសន្តិសុខសាធារណៈ ក៏ជាផ្នែកមួយនៃស្ថិរភាពផងដែរ ។ គេមិនអាចនិយាយបានទេអំពីបញ្ហាសន្តិសុខ នៅក្នុងសម័យសង្គ្រាម។ ដូច្នេះ ជាមួយនឹងអំណោយផល នៃសុខសន្តិភាពដូចបច្ចុប្បន្ន ស្ថានភាពសន្តិសុខ របស់ប្រទេសយើងមានលក្ខណៈល្អប្រសើរ ហើយក៏កំពុងត្រូវបានបន្តពង្រឹងឱ្យកាន់តែមានប្រសិទ្ធភាព តាមរយៈការអនុវត្តគោលនយោបាយភូមិ-ឃុំមានសុវត្ថិភាព។
![](https://dap-news.com/wp-content/uploads/2022/04/photo_2022-04-09_15-50-47-1-1024x682.jpg)
រីឯ ឱកាស៖ មានន័យថា ជាលទ្ធភាពក្នុងការប្រើប្រាស់សិទ្ធិសេរីភាព ដើម្បីអភិវឌ្ឍខ្លួនឯង, ជួយទំនុកបម្រុងគ្រួសារ និងចូលរួមក្នុងដំណើរការកសាងជាតិ។ ក្នុងដំណាក់សង្គ្រាម យុវជន រួមទាំងកុមារផងបានបាត់បង់ឱកាសទាំងស្រុង និងគ្មានជម្រើសអ្វី ក្រៅពីការទ្រាំរស់នៅក្នុងវិនាសកម្មដោយក្តីអស់សង្ឃឹម។ ប៉ុន្តែ បច្ចុប្បន្ននេះ យើងទាំងអស់គ្នា មានឱកាសគ្រប់បែបយ៉ាង ទាំងឱកាសរៀនសូត្រ, ឱកាសការងារ និងការបង្កលក្ខណៈគ្រប់បែបយ៉ាង ក្នុងគោលបំណង តែមួយគត់ គឺការធានាបាននូវអនាគតមួយពិតប្រាកដ និងល្អប្រសើរសម្រាប់គ្រប់គ្នា ៕
![](https://dap-news.com/wp-content/uploads/2022/04/photo_2022-04-09_15-50-51-1-1024x738.jpg)
![](https://dap-news.com/wp-content/uploads/2022/04/photo_2022-04-09_15-50-55-1-1024x673.jpg)
![](https://dap-news.com/wp-content/uploads/2022/04/photo_2022-04-09_15-51-00-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-04-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-08-1-1024x710.jpg)
![](https://dap-news.com/wp-content/uploads/2022/04/photo_2022-04-09_15-51-11-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-15-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-19-1-1024x674.jpg)
![](https://dap-news.com/wp-content/uploads/2022/04/photo_2022-04-09_15-51-22-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-26-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-29-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-34-1-1024x647.jpg)
![](https://dap-news.com/wp-content/uploads/2022/04/photo_2022-04-09_15-51-37-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-41-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-51-45-1-1024x664.jpg)
![](https://dap-news.com/wp-content/uploads/2022/04/photo_2022-04-09_15-51-48-1-1024x702.jpg)
![](https://dap-news.com/wp-content/uploads/2022/04/photo_2022-04-09_15-51-52-1-1024x674.jpg)
![](https://dap-news.com/wp-content/uploads/2022/04/photo_2022-04-09_15-51-56-1-1024x642.jpg)
![](https://dap-news.com/wp-content/uploads/2022/04/photo_2022-04-09_15-52-00-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-52-04-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-52-08-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-52-12-1-1024x626.jpg)
![](https://dap-news.com/wp-content/uploads/2022/04/photo_2022-04-09_15-52-15-1-1024x683.jpg)
![](https://dap-news.com/wp-content/uploads/2022/04/photo_2022-04-09_15-52-19-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-52-22-1-1024x751.jpg)
![](https://dap-news.com/wp-content/uploads/2022/04/photo_2022-04-09_15-52-27-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-52-32-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-52-36-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-52-40-1-1024x731.jpg)
![](https://dap-news.com/wp-content/uploads/2022/04/photo_2022-04-09_15-52-43-1-1024x751.jpg)
![](https://dap-news.com/wp-content/uploads/2022/04/photo_2022-04-09_15-52-48-1-1024x682.jpg)
![](https://dap-news.com/wp-content/uploads/2022/04/photo_2022-04-09_15-52-54-1-1024x682.jpg)
![](https://dap-news.com/wp-content/uploads/2020/08/1-1.png)