ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្តីកម្ពុជា បានស្នើសុំឲ្យ លោក បូរកែវ ភូមិវង់សាយ (Buakeo PHUMVONGSAY) ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសឡាវតែងតាំងថ្មីប្រចាំកម្ពុជា ពិនិត្យជំរុញសកម្មភាពពាណិជ្ជកម្មតាមព្រំដែន និងពិនិត្យមើលជំរុញពាណិជ្ជកម្មតាមសក្ដានុពលដទៃទៀត ដែលអាចធ្វើបាន ជាពិសេសក្នុងកាលៈទេសៈកូវីដ១៩ នេះ។
ការស្នើរបស់សម្តេចតេជោ ក្នុងឱកាសសម្តេចបានអនុញ្ញាតឲ្យលោក បូរកែវ ភូមិវង់សាយ ចូលជួបសំដែងការគួរសម នៅថ្ងៃ១១ មេសា ។
ក្នុងឱកាសនោះ សម្តេចបានប្រាប់អគ្គរដ្ឋទូតថ្មី អំពីការអនុញ្ញាតឲ្យមានជម្រើសមិនប្រើម៉ាស់ នៅក្នុងខេត្ត៣(មណ្ឌលគិរី រតនគិរី ស្ទឹងត្រែង) ជាប់ព្រំប្រទល់ឡាវ ក្រោយមានភាពល្អប្រសើរឡើងវិញ ពីការរីករាលដាលនៃជំងឺកូវីដ។
នៅថ្ងៃ១០ មេសា សម្តេចតេជោ ហ៊ុន សែន បានប្រកាសដាក់ចេញនូវការលុបបំបាត់ កាតព្វកិច្ចពាក់ម៉ាស់ ដល់ប្រជាពលរដ្ឋរស់នៅក្នុងខេត្ត៤ រួមមាន ៖ មណ្ឌលគិរី រតនគិរី ស្ទឹងត្រែង និងខេត្តព្រះវិហារ ដោយមិនតម្រូវឲ្យជាប់កាតព្វកិច្ចពាក់ម៉ាសតទៅទៀតនោះឡើយ ។
សូមបញ្ជាក់ថា កាលពីថ្ងៃ៤ មេសា ក្នុងវេទិកាសម្ពោធដាក់ឲ្យប្រើប្រាស់ជាផ្លូវការ ផ្លូវនៅទីក្រុងសៀមរាប
សម្តេចតេជោ បានធ្វើការប្រកាសនូវការប៉ុនប៉ងសាកល្បង ចង់ដាក់ការបញ្ឈប់កាតព្វកិច្ចពាក់ម៉ាស ដល់ប្រជាពលរដ្ឋរស់នៅតាមបណ្ដាខេត្តឆ្ងាយៗ របស់កម្ពុជា ៕
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
