ភ្នំពេញ៖ ចៅក្រមស៊ើបសួរ សាលាដំបូងរាជធានីភ្នំពេញ កាលពីរសៀល ថ្ងៃទី ១២ ខែ មិថុនា ឆ្នាំ ២០២២នេះ បានសម្រេចឃុំខ្លួន យុវជនម្នាក់ ដែលបាន បាញ់សម្លាប់អតីតប្រពន្ធរបស់ខ្លួន
នោះ ប្រព្រឹត្ត នៅចំណុចផ្លូវជាតិលេខ២ ភូមិទួលរកា សង្កាត់ ចាក់អង្រែក្រោម ខណ្ឌមានជ័យ រាជធានីភ្នំពេញ នៅក្នុងពន្ធនាគារព្រៃស (ម១) ជាបណ្តោះអាសន្ន ដើម្បីរង់ចាំ សវនាការ តាមនីតិវិធីច្បាប់ ។
មន្ត្រីមត្ថកិច្ចនគរបាលខណ្ឌមានជ័យ បានឲ្យដឹងថា ជនចោទរូបនេះមាន ឈ្មោះ ជា អូន ភេទប្រុស អាយុ ២៤ ឆ្នាំ មុខរបរមិនពិតប្រាកដ ស្នាក់នៅខណ្ឌសែនសុខ រាជធានីភ្នំពេញ ។
ចំណែកឯជនរងគ្រោះមានឈ្មោះ នូ សុជាតា អាយុ២២ឆ្នាំ មុខរបរ បម្រើការនៅ ណាហ្គាវើល មានទីលំនៅ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
អ្នកទាំង២នាក់ គឺ ជាអតីតប្រពន្ធ និង ប្តីនឹងគ្នា ដែលទើបតែបានលះលែងគ្នា ប្រមាណជាង៣ ខែ មុនគេ កើតហេតុ។
ជនត្រូវចោទរូបនេះ ត្រូវបានតំណាងអយ្យការចោទប្រកាន់ពីបទ ” ឃាតកម្មគិតទុកជាមុន និង ប្រើប្រាស់អាវុធ ដោយខុសច្បាប់ និង ត្រូវចាប់ឃាត់ខ្លួន កាលពី ថ្ងៃទី ១០ ខែ មិថុនា ឆ្នាំ ២០២២ នៅចំណុចផ្លូវជាតិលេខ២ ភូមិទួលរកា សង្កាត់ ចាក់អង្រែក្រោម ខណ្ឌមានជ័យ រាជធានីភ្នំពេញ៕
ដោយៈ លីហ្សា
