AFP៖ លោក ស៊ិនហ៊្សូ អាបេ កើតនៅថ្ងៃទី២១ ខែកញ្ញា ឆ្នាំ១៩៥៤ លោកជាកូនប្រុសរបស់អតីតរដ្ឋមន្រ្តីការបរទេសជប៉ុន ហើយលោកក៏ជាចៅប្រុសរបស់អតីតនាយករដ្ឋមន្រ្តីជប៉ុន ផងដែរ។
បើតាមសារព័ត៌មាន AFP លោក ស៊ិនហ៊្សូ អាបេ មុនក្លាយជានាយករដ្ឋមន្រ្តីជប៉ុន គឺលោកបានបញ្ចប់ការសិក្សា នៅសាកលវិទ្យា Seikei , នៅឆ្នាំ១៩៧៩ ដល់ឆ្នាំ ១៩៨២ លោកបានធ្វើការនៅក្រុមហ៊ុន Kobe Steel មុនពេលចូលប្រឡូក ក្នុងឆាកនយោបាយ។
នៅឆ្នាំ១៩៩៣ លោក អាបេ បានជាប់ឆ្នោតដំបូង នៅក្នុងសភាជប៉ុន ហើយនៅឆ្នាំ២០០៦ ដល់ឆ្នាំ២០០៧ លោកបានក្លាយជានាយករដ្ឋមន្រ្តីជប៉ុន បានមួយអាណត្តិ ក្រោយមកលោកក៏បានលាលែងពីតំណែង ដោយសារតែហេតុផលសុខភាព។
នៅឆ្នាំ២០១២ ដល់ឆ្នាំ២០២០ លោក ស៊ិនហ៊្សូ អាបេ ក៏បានក្លាយជានាយករដ្ឋមន្រ្តីជប៉ុន ជាលើកទី២ បន្ទាប់មក លោកក៏បានលាលែងចេញពីតំណែងនេះម្តងទៀត ដោយសារតែហេតុផលសុខភាពដដែល៕
ប្រែសម្រួលៈ ណៃ តុលា
