បរទេស៖ រដ្ឋមន្ត្រីក្រសួងការពារជាតិ រុស្ស៊ី លោក Sergey Shoigu បានត្រួតពិនិត្យកងទ័ពរុស្ស៊ី ដែលជាប់ពាក់ព័ន្ធ ក្នុងប្រតិបត្តិការយោធា ដែលកំពុងបន្តនៅក្នុង ប្រទេសអ៊ុយក្រែន ដែលជាអ្នកជិតខាងរបស់អ៊ុយក្រែន។
យោងតាមសារព័ត៌មាន RT ចេញផ្សាយនៅថ្ងៃទី១៦ ខែកក្កដា ឆ្នាំ២០២២ បានឱ្យដឹងថា លោក Shoigu បានជួបជាមួយមេបញ្ជាការនៃកងទ័ព ‘ខាងត្បូង’ និង ‘កណ្តាល’ ឧត្តមសេនីយ៍កងទ័ព Sergey Surovikin និងវរសេនីយ៍ Alexander Lapin ក៏ដូចជាមេបញ្ជាការជាន់ខ្ពស់ផ្សេងទៀត។
យោធាបាននិយាយនៅក្នុងសេចក្តីថ្លែងការណ៍មួយថា “ប្រមុខក្រសួងការពារជាតិរុស្ស៊ី បានផ្តល់ការណែនាំចាំបាច់ ដើម្បីបង្កើនសកម្មភាពរបស់ក្រុមនៅក្នុងតំបន់ប្រតិបត្តិការទាំងអស់ ដើម្បីបំបែកលទ្ធភាពនៃរបបទីក្រុងគៀវ ក្នុងការបាញ់កាំជ្រួច និងកាំភ្លើងធំទៅលើហេដ្ឋារចនាសម្ព័ន្ធស៊ីវិល និងអ្នកតាំងទីលំនៅនៅទូទាំង Donbass និង តំបន់ផ្សេងទៀត” ។
រដ្ឋមន្ត្រីការពារជាតិរុស្ស៊ីរូបនេះ ក៏បានផ្តល់មេដាយមាសផ្កាយដល់លោក Lapin និងឧត្តមសេនីយ Esedulla Abachev សម្រាប់ “ភាពក្លាហាន និងវីរភាព” ក្នុងជម្លោះដែលកំពុងបន្ត។ យោធាបានកត់សម្គាល់ថា ក្រឹត្យបង្ហាញមន្ត្រីទទួលបានរង្វាន់ រដ្ឋកំពូល ត្រូវបានចុះហត្ថលេខាមុននេះដោយលោកប្រធានាធិបតីរុស្ស៊ី វ្ល៉ាឌីមៀ ពូទីន៕
