ភ្នំពេញ ៖ ឆ្លើយតបទៅនឹងសំណើរទាំង១៧ របស់គណបក្សនយោបាយ ចំនួន៤ គណៈកម្មាធិការជាតិរៀបចំការបោះឆ្នោត (គ.ជ.ប) បានអះអាងថា សំណើរមួយចំនួនគឺហួសដែនសមត្ថកិច្ច របស់ស្ថាប័ន គ.ជ.ប។
![](https://dap-news.com/wp-content/uploads/2022/08/photo_2022-08-31_18-17-34-1-1024x682.jpg)
ការបញ្ជាក់ប្រាប់នេះធ្វើឡើង ក្នុងជំនួបពិភាក្សាការងារ រវាង គណៈកម្មាធិការជាតិរៀបចំការបោះឆ្នោត (គ.ជ.ប) ជាមួយគណបក្សនយោបាយចំនួន៤ ពាក់ព័ន្ធនឹងការកែលម្អ ប្រព័ន្ធបោះឆ្នោតនៅកម្ពុជា នាថ្ងៃទី៣១ ខែសីហា ឆ្នាំ២០២២នេះ។
![](https://dap-news.com/wp-content/uploads/2022/08/photo_2022-08-31_18-17-40-1-1024x682.jpg)
យោងតាមសេចក្ដីប្រកាស ព័ត៌មាន ស្ដី លទ្ធផលជំនួបពិភាក្សាការងារ ជាមួយគណបក្សនយោបាយចំនួន៤ ពាក់ព័ន្ធនឹងការកែលម្អប្រព័ន្ធ បោះឆ្នោតនៅកម្ពុជា បានឱ្យដឹងថា ភាគីគណបក្សនយោបាយ បានលើកឡើង ចំនួន១៧ចំណុច ដើម្បីកែលម្អប្រព័ន្ធបោះឆ្នោត ហើយតំណាងគណបក្សនយោបាយ បានពន្យល់នូវចំណុចនីមួយៗ ដល់ភាគី គ.ជ.ប អំពីបញ្ហា ដែលគណបក្សនយោបាយ ជួបការលំបាក និងបញ្ហាខ្លះទៀត សំណូមពរឱ្យមានការធ្វើវិសោធនកម្មច្បាប់ ដើម្បីកែលម្អប្រព័ន្ធបោះឆ្នោត។
![](https://dap-news.com/wp-content/uploads/2022/08/photo_2022-08-31_18-18-34-1024x682.jpg)
ក្រោយពីបានស្តាប់ការលើកឡើង របស់ភាគីគណបក្សនយោបាយរួចមក ភាគី គ.ជ.ប បានជម្រាបជូនដល់ភាគី គណបក្សនយោបាយវិញថា «ចំណុចខ្លះមិនពាក់ព័ន្ធនឹង សមត្ថកិច្ច គ.ជ.ប ទេ គឺទាក់ទងនឹងស្ថាប័នរដ្ឋសភា ដែលជាស្ថាប័នរៀបចំច្បាប់ និងស្ថាប័នក្រសួងមហាផ្ទៃ ពាក់ព័ន្ធនឹងអាជ្ញាធរដែនដី។ ស្ថាប័ន គ.ជ.ប ទាក់ទងនឹងការងារបច្ចេកទេស នៅក្នុងការអនុវត្តច្បាប់តែប៉ុណ្ណោះ»។
![](https://dap-news.com/wp-content/uploads/2022/08/photo_2022-08-31_18-17-43-1024x682.jpg)
ជារួមចំពោះសំណើររបស់គណបក្សនយោបាយទាំង៤ បានស្នើឡើងនោះភាគី គ.ជ.ប ទទួលយក និងរៀបចំជារបាយការណ៍ ដើម្បីដាក់ជូន គ.ជ.ប ពិនិត្យ និងសម្រេចថា តើគួរយក ឬមិនគួរយកទៅលើចំណុចណាមួយ ដើម្បីកែលម្អ ស្របទៅតាមច្បាប់។
![](https://dap-news.com/wp-content/uploads/2022/08/photo_2022-08-31_18-17-55-1-1024x682.jpg)
កិច្ចប្រជុំពិភាក្សាបានប្រព្រឹត្តទៅអស់រយៈពេលជាងពីរម៉ោង ភាគីទាំងពីរបានទទួលស្គាល់ ថា មានលក្ខណៈល្អ យោគយល់គ្នា ដោយបានជជែកគ្នាត្រង់ទៅ ត្រង់មក ហើយការជួបគ្នាបែបនេះ គឺជាយន្តការល្អ ពីព្រោះអាចយកបញ្ហា មកដាក់លើតុ ដើម្បីជជែកគ្នារកវិធានការ និងរកវិធីដោះស្រាយនូវបញ្ហាប្រឈម ដែលអាចកើតមានឡើង ជាពិសេសធ្វើយ៉ាងណា ដើម្បីឱ្យដំណើរការរៀបចំ ការបោះឆ្នោត ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ មានលក្ខណៈកាន់តែ ល្អប្រសើរឡើង៕
![](https://dap-news.com/wp-content/uploads/2022/08/photo_2022-08-31_18-17-49-1-1024x682.jpg)
![](https://dap-news.com/wp-content/uploads/2022/08/photo_2022-08-31_18-18-01-1-1024x682.jpg)
![](https://dap-news.com/wp-content/uploads/2022/08/photo_2022-08-31_18-18-06-1024x682.jpg)
![](https://dap-news.com/wp-content/uploads/2022/08/photo_2022-08-31_18-18-10-1-1024x682.jpg)
![](https://dap-news.com/wp-content/uploads/2022/08/photo_2022-08-31_18-18-15-1-1024x683.jpg)
![](https://dap-news.com/wp-content/uploads/2022/08/photo_2022-08-31_18-18-20-1024x682.jpg)
![](https://dap-news.com/wp-content/uploads/2022/08/photo_2022-08-31_18-18-27-1-1024x682.jpg)
![](https://dap-news.com/wp-content/uploads/2022/08/photo_2022-08-31_18-18-38-1-1024x682.jpg)
![](https://dap-news.com/wp-content/uploads/2022/08/photo_2022-08-31_18-18-44-1024x682.jpg)
![](https://dap-news.com/wp-content/uploads/2022/08/photo_2022-08-31_18-18-49-1-1024x682.jpg)
![](https://dap-news.com/wp-content/uploads/2020/08/1-1.png)